30 އަހަރަށްފަހު ފްލޮރިޑާގައި ކަސްފާނަ ބޭނުމުގެ ހުއްދަ ދިނުމަށް ނިންމައިފިއެވެ.
ފްލޮރިޑާގައި ކަސްފާނަ ބޭނުން މަނާކޮށްފައިވަނީ ބެލެހެއްޓުމެއް ނެތި މި ބާވަތުގެ މަސް ބާނަމުން ދިޔުމުގެ ސަަބަބުން އޭގެ އާބާދީ ދަށަށް ދިޔުމުންނެވެ.
ކަސްފާނަ ބޭނުމުގެ ހުއްދަ ދީފައިވާއިރު، މި ބާވަތުގެ މަހުގެ އާބާދީއަށް އައިސްފައިވާ ބަދަލުތައް ރެކޯޑު ކުރެވިފައި ނުވާތީ ތިމާވެށި ހިމާޔަތްކުރާ ފަރާތްތަކުން ދަނީ ކަންބޮޑުވުން ފާޅުކުރަމުންނެވެ.
އެހެންނަމަވެސް ފްލޮރިޑާ ފިޝް އެންޑު ވައިލްޑްލައިފް ކޮންސަވޭޝަން ކޮމިޝަނުން ހާމަކުރާގޮތުގައި، އޭގެ އާބާދީއަށް އެކަށީގެންވާ ކުރިއެރުންތަކެއް ލިބިފައިވާ ކަމަށާއި، މި މަސް ބާނާ ފަރާތްތަކުން އޭގެ ތަފާސް ހިސާބުތައް ހިއްސާ ކުރަމުންދާނެ ކަމަށާއި، މި މައުލޫމާތުތައް މުހިއްމު ކަމަށެވެ.
ކަސްފާނަ އަކީ 8 ފޫޓާއި ހަމައަށް ބޮޑުވާ މަހެކެވެ. މިއީ އަނގަ ބޮޑު މަހެކެވެ. އާއްމުކޮށް ކައި އުޅެނީ ކުދި ކުދި މަހާއި، ކަކުނި އަދި އިހި އެވެ.
