ގްރީސްގެ ބީޗަކަށް ލެއްގި މަރުވެފައި އޮތް ބޮޑުމަހެއްގެ ބަނޑުން 14 ކިލޯގެ ޕްލާސްޓިކް ނަގައިފިއެވެ.
މިދިޔަމަހުގެ ފަހުކޮޅު ލެއްގި މި ބޮޑުމަހުގެ ދިގުމިނުގައި 16 ފޫޓޫ ހުންނާނެ ކަމަށް ބެލެއެވެ. މިމަސް މަރުވެފައިވަނީ ބަނޑުގައި ޕްލާސްޓިކް ގިނަވެގެން ކަމަށް މިމަހުގެ ދިރާސާތައް ކުރި އޭރިއޯން ޖަމިއްޔާއިން ބުނެއެވެ.
ހިލޭ ސާބަހަށް މަސައްކަތްކުރާ އޭރިއޯން ޖަމިއްޔާއިން ބެލި ބެލުމުން ފާހަގަކުރެވުނު ގޮތުގައި ބޮޑުމަހުގެ ބޭރުފުށުން އެއްވެސް އަނިޔާއެއް ފެންނަން ނެތުމުން އޭގެ އޮޓޮޕްސީ ހެދުމަށް ނިންމީ އެވެ.
އަދި އޮޓޮޕްސީ ހެދުމުން ބޮޑުމަސް މަރުވި ސަބަބު ދެނެގަނެވުނު ކަމަށާއި، ބަނޑުގައި ހުރި ގިނަ އަދަދެއްގެ ޕްލާސްޓިކްގެ ސަބަބުން މަސް މަރުވެފައިވަނީ ބޮޑު ވޭނެއްގައި އުޅެފައި ކަމަށް އެ ޖަމިއްޔާއިން ހާމަކުރެއެވެ.
މޫދަށް އަޅާ ގިނަ އަދަދެއްގެ ޕްލާސްޓިކް ކަނޑުގެ އަޑިއަށްދާއިރު، މިއީ ބޮޑުމަސްތައް އާއްމުކޮށް އުޅޭ ހިސާބުތަކެވެ. ޕްލާސްޓިކްގެ ސަބަބުން ކަނޑުގެ ދިރުންތަކަށް ގިނަ ގެއްލުންތަކެއް ވަމުންދާއިރު، މޫދަށް އުކާލާ ޕްލާސްޓިކްގެ އަދަދުތައް ދަނީ އިތުރުވަމުންނެވެ.
