ރަހުމުކުޑަގޮތަކަށް ބޯވައަކާއި މިޔަރެއް މަރާލި ދެ މީހަކު އެމެރިކާގައި ހައްޔަރުކޮށްފިއެވެ.
އެމެރިކާގެ ފްލޮރިޑާ ސްޓޭޓުގައި ހިނގި މި ހާދިސާގައި ހައްޔަރުކޮށްފައިވަނީ ޗާލްސް މޯރާ، 30 އަހަރު، އަދި މައިކަލް ބޯސަރޓު 52 އަހަރެވެ. މި ދެ މީހުން ބޯވަ އަދި މިޔަރު މަރާލި ގޮތުގެ ވީޑިއޯ ސޯޝަލް މީޑިއާގައި ވަނީ އާއްމުވެފައެވެ.
ވީޑިއޯއިން ފެންނަ ގޮތުގައި ބޯވަ މަރާލާފައިވަނީ ބޯ ބުރިކޮށްލައިގެންނެވެ. އަދި މިޔަރު މަރާލާފައިވަނީ ބޯޓުގެ އަރިމަތީ ފިލާގައި ޖެހި ޖެހީނުންނެވެ. މި ދެ މީހުން ހައްޔަރުކޮށް، ޖަނަވާރުންނަށް އިހާނެތިކޮށް ހިތުމުގެ ދައުވާވަނީ އުފުލާފައެވެ.
މި ވީޑިއޯތައް ރެކޯޑުކޮށްފައިވަނީ ޖަނަވާރު ހިމާޔަތްކުރާ ޖަމިއްޔާއަކަށް މަސައްކަތްކުރާ ފަރާތަކުންނެވެ. އެގޮތުން އެމީހުންގެ ފަރާތުން އެކަހަލަ އަމަލުތައް ހިނގާކަމުގެ ރިޕޯޓު ލިބިގެން އެކްޓިވިސްޓު ކެރިން ރޯސެން އެމީހުންނާއި އެކު މަހަށްގޮސްފައިވަނީ މަސްވެރިކަމަށް ޝައުގުވެރިކަން ހުންނަ ކަމަށް ބުނެ އެދާއިރާ އާއި ގުޅޭ މައުލޫމާތު ހޯދުމަށެވެ.
އެގޮތުން ވީޑިއޯ ކުރާ ކަންވެސް އެމީހުންނަށް އެނގޭނެ ކަމަށް ކެރެން ބުންޏެވެ. ނަމަވެސް އެމީހުންގެ އަމަލުތައް ހުރި ގޮތުން އެމީހުންނަށް މަސްތައް އެގޮތަށް މެރުމަކީ ވަރަށް އާދައިގެ ކަމެއްކަން އެނގިގެން ދިޔަކަމަށް ކެރިން ބުނެފައިވެއެވެ.
