މަސްކައްކާ ހިއްކުމުގެ މަސައްކަތަށް ހއ. ދިއްދޫއިން ބިމެއް ދޫކުރުމަށް އިޢުލާންކޮށްފިއެވެ.
ދިއްދޫ ކައުންސިލުން ކުރި އިޢުލާނެއްގައި ބުނެފައިވަނީ އެރަށުގައި މަސްކައްކާ ހިއްކުމުގެ މަސައްކަތްކުރުމަށް ވަގުތީ ގޮތުން ދޫކޮށްފައިވާ ބިންތަކުގެ ތެރެއިން، ބިމެއް، ވަގުތީ ގޮތުން 1 އަހަރުގެ މުއްދަތަށް ކުއްޔަށް ދޫކުރުމަށް ނިންމާފައިވާ ކަމަށެވެ.
އެގޮތުން 1600 އަކަފޫޓުގެ ބިން ކުއްޔަށްހިފަން ޝަޢުޤުވެރިވާ ފަރާތްތަކަށް ބީލަން ހުށަހެޅުމުގެ ފުރުޞަތު ވަނީ ހުޅުވާލާފައެވެ. ބީލަން ހުށައަޅާއިރު، އެންމެ ކުޑަ އަގެއްގެ ގޮތުގައި ހުށަހެޅޭނީ ބިމުގެ އަކަފޫޓަކަށް މަހަކު 80/- (އަށްޑިހަލާރި) ލާރި ކަމަށާއި، ބިން ކުއްޔަށް ދެވޭނީ، ހުށަހެޅޭ ބީލަންތައް އިވެލުއޭޓް ކުރުމަށްފަހު އެންމެ މަތީ އަގު ހުށަހަޅާ ފަރާތްތަކަށް ކަމަށް ދިއްދޫ ކައުންސިލުން ހާމަކުރެއެވެ.
ބީލަން ހުށަހެޅުމަށް ރަޖިސްޓަރީ ކުރުން، 23 ޖޫން 2022 އިން 1 ޖުލައި 2022 އަށް ރަސްމީ ދުވަސްތަކުގައި ހެނދުނު 9:00 އިން މެންދުރު ފަހު 13:00 އަށް ދިއްދޫ ކައުންސިލްގެ ރިސެޕްޝަނަށް ބީލަން ހުށަހެޅުމަށް ރަޖިސްޓަރީވުމަށް އެދޭ ފޯމް ހުށަހަޅައިގެން ނުވަތަ info@hadhidhoo.gov.mv އަށް ބީލަން ހުށަހެޅުމަށް ރަޖިސްޓަރީވުމަށް އެދޭ ފޯމް މެއިލް ކޮށްގެން ބީލަމުގައި ބައިވެރިވުމަށް ރަޖިސްޓަރީވާންޖެހެއެވެ.
ބީލަން ހުށަހެޅުމަށް ބާއްވާ ބައްދަލުވުން، އޮންނާނީ 7 ޖުލައި 2022 ވާ ބުރާސްފަތި ދުވަހުގެ 10:00 ގައި ހއ. ދިއްދޫ ކައުންސިލްގެ ޖަލްސާކުރާ މާލަމުގައެވެ.
