ޤަވާއިދާ ހިލާފަށް މެލޭޝިއާގެ ކަނޑުގެ ސަރަހައްދުން، މަސްވެރިކަން ކުރި ވިއެޓްނާމްގެ މަސްވެރިންތަކަކަށް 157109 ޑޮލަރުގެ ޖޫރިމަނާއެއް ދައްކަން ޖެހިއްޖެއެވެ.
އެގޮތުން މެލޭޝިއާގެ ކަނޑުގެ ސަރަހައްދުން ޤަވާއިދާ ހިލާފަށް މަސްވެރިކަންކޮށްފައިވާ ބޯޓުގައި ހިމެނޭ 5 މަސްވެރިންގެ މައްޗަށް މި ވަނީ ޖޫރިމަނާ ފައިސާ ދެއްކުމަށް އަންގާފައެވެ.
މެލޭޝިއާގެ ކޯޓުން ބުނެފައިވަނީ ބޯޓުގެ ކެޔޮޅު 112246 ޑޮލަރުގެ ޖޫރިމަނާއަކާއި، 4 މަހުގެ ޖަލު ހުކުމެއް އިއްވާފައިވާއިރު، ދެން ތިބި މަސްވެރިންނަށް ވަނީ ކޮންމެ މީހެއް 11224 ޑޮލަރުގެ ޖޫރިމަނާއަކާއި 3 މަހުގެ ޖަލު ހުކުމެއްް ވަނީ އިއްވާފައެވެ.
ގަވާއިދާއި ހިލާފަށް މަސްވެރިކަން ކުރަމުން ދަނިކޮށް ވިއެޓްނާމްގެ ބޯޓު އަތުލައިގަނެފައިވަނީ މިމަހުގެ 4ވަނަ ދުވަހުއެވެ. ހުކުމް އިއްވުމުން މަސްވެރިން ވަނީ އަބަދު ލުއިކޮށްދީ، ޤައުމަށް އަނބުރާ ފޮނުވާލުމަށް އެދިފައެވެ.
