ކޯމަހަކީ މީހުންނަށް ރައްޓެހި މަހެކެވެ. އަދި އިންސާނުންނާއި އެކީ މޫދުގައި ފީނާ ހަދާވެސް މަހެކެވެ. އެހެންނަމަވެސް މިމަހުން ޖަޕާނުގެ ޑިސްޓްރިކްޓަކުން މިވަނީ ކޯމަހާއި ގާތްނުވުމަށް އިލްތިމާޒްކޮށްފައެވެ.
މިގޮތަށް އިލްތިމާޒްކޮށްފައި މިވަނީ ކޯމަސް އިންސާނުންނަށް ހަމަލާ ދީގެން ދިހަ ވަރަކަށް ފަރާތުން ރިޕޯޓުކުރުމާއި ގުޅިގެންނެވެ. އެއާ އެކު ބީޗު ހިސާބުގައިވަނީ ކޯމަސްތަކާއި ގާތްނުވުމަށް އިރުޝާދުދީ ބޯޑުތައްވެސް ހަރުކޮށްފައެވެ.
އަދި ކޯމަސް ބަލަން ދާ މީހުންވެސް އެ އެއްޗިއްސާ އެހާ ގާތްނުވުމަށާއި، ދުރުން އެތަކެތި ބެލުމަށްވަނީ އަންގާފައެވެ. ކޯމަހަކީ އޭގެ ގައިގައި މީހުން އަތްލުވުމުން ހިތްހަމަ ނުޖެހޭ އެއްޗެކެވެ. ޖަޕާންގެ ފުކައިގެ ލޯކަލް އެޑްމިނިސްޓްރޭޝަނުން މިހާރުވަނީ މޫދުގެ އައްސޭރިފަށުގައި ގެޖެޓުތަކެއް ހަރުކޮށްފައެވެ. މީގެ އުފައްދާ ފްރީކުއެންސީ ވޭވްލެންތުތަކުން ކޯމަސްތައް އެއްގަމާއި ގާތަށް ނާންނާނެއެވެ.
ކޯމަހެއް ހަމަލާ ދީގެން އެންމެ ފަހުން ރިޕޯޓުކޮށްފައިވަނީ މިމަހުގެ 24ވަނަ ދުވަހުއެވެ. އެގޮތުން ގާތްގަނޑަކަށް 40 އަހަރުގެ ފިރިހެނެއްގެ އަތުގައި ކޯމަސް ދަތްއަޅާ ވަނީ ވަރަށް ބޮަޑަށް ޒަހަމްކޮށްލާފައެވެ.
