މޫސުމަށް އަންނަމުންދާ ބަދަލުތަކާއި އެކު އެމެރިކާގެ ފްލޮރިޑާގެ ބީޗުތަކަށް ވެލާތައް އަޅާ ބިސްތަކުން ފީވެގެން ނިކުންނަނީ ހުސް އަންހެން ވެލާތައް ކަމަށް ދިރާސާއަކުން ދައްކައިފިއެވެ.
ފްލޮރިޑާގެ ޓާޓަލް ހޮސްޕިޓަލުން ހާމަކުރާގޮތުގައި، ހޫނު މޫސުމާއި އެކު ބީޗުތަކުގެ ވެލިގަނޑުވެސް ވަނީ ވަރަށް ބޮޑަށް ހޫނުވެފައި ކަމަށެވެ. މިއާއެކެ ބިސް ވަޅުތަކުން ފީވެގެން ނިކުންނަނީ ހުސް އަންހެން ވެލާތައް ކަމަށެވެ. އަދި ފާއިތުވީ ހަތަރު އަހަރު ދުވަހުގެ ހޫނު މޫސުމަކީވެސް އެންމެ ހޫނުކަން ގަދަ ކަމަށް ރެކޯޑު ކުރެވިފައިވާ މޫސުންތައް ކަމަށް އެ ހޮސްޕިޓަލުން ފާހަގަކުރެއެވެ.
ސައިންސްވެރިން ފާއިތުވީ ހަތަރު އަހަރު ކުރިއަށް ގެންދިޔަ ދިރާސާއިން ދެއްކި ގޮތުގައި، ވެލާތަކުގެ ބިސްވަޅުތަކުން ފީވެގެން ނިކުމެފައިވަނީ ހުސް އަންހެން ވެލައެވެ.
ވެލާތައް ބިސް ވަޅުތަކަށް ބިސް އެޅުމަށްފަހު، އެ ބިހުން ނިކުންނާނެ ވެލާގެ ޖިންސު ކަނޑައަޅިގެންދަނީ ވެލިގަނޑުގެ ހޫނު މިނުގެ މައްޗަށް ކަމަށް ސައިންސްވެރިން ހާމަކުރެއެވެ.
