ރާއްޖޭގެ މޫސުން ގޯސްވާނެ ކަމަށް ލަފާކޮށް، ކުރިއަށް އޮތް 36 ގަޑިއިރު މޫސުމަށް ސަމާލު ވުމަށް ދިވެހިރާއްޖޭގެ މޫސުމާބެހޭ ޤައުމީ އިދާރާ (މެޓް) އިން ބުނެފިއެވެ.
މޫސުން ގޯސްވުމާ ގުޅީގެން މިއަދުވެސް ވަނީ ޔެލޯ އެލަރޓް ނެރެފިއެވެ. މިއީ މޫސުން ގޯސްވާނެ ކަމަށް ލަވާކޮށް، ޔެލޯ އެލަރޓް ނެރުނު ހަތަރުވަނަ ދުވަހެވެ. މިދިޔަ ތިން ދުވަހުވެސް މެޓުން ވަނީ ޔެލޯ އެލަރޓް ނެރެފައެވެ. ނަމަވެސް އެލަރޓް ނެރުނު ސަރަހައްދުތައް ތަފާތެވެ.
Strong monsoon conditions are likely to persist over northern and central atolls during the next 36 hours. pic.twitter.com/ZvG9ljyG3j
— Maldives Meteorology (@MetMaldives) August 3, 2022
މީގެ އިތުރުން، ރާއްޖޭގެ އެކި ހިސާބުތަކަށް ވިއްސާރަ ކުރުމާއެކު ބައެއް ރަށްރަށަށް ބޯކޮށް ވާރޭ ވެހުމާއެކު ގުގުރުން އެކަށީގެންވާ ކަމަށް މެޓުން ވަނީ ބުނެފައެވެ.
މޫސުން ގޯސްވާނެތީ، ހުރިހާ އެންމެންވެސް މޫސުމަށް ސަމާލު ވުމަށާއި، ހާއްސަކޮށް ކަނޑު ދަތުރު ކުރާ މީހުން މޫސުމަށް ހާއްސަ ސަމާލުކަމެއް ދިނުމަށް މެޓުން ވަނީ އިލްތިމާސް ކޮށްފައެވެ.
އެގޮތުން މިއަދު ޔެލޯ އެލަރޓް ނެރެފައި ވަނީ ގދ. އަތޮޅުން ފެށިގެން އައްޑޫ ސިޓީއާ ދެމެދަށެވެ. މެޓުން ލަފާކޮށްފައިވާ ގޮތުގައި އެ ސަރަހައްދަށް ބޯކޮށް ވާރޭ ވެހުމާއެކު ގުގުރާނެއެވެ.
މިވަގުތު ޔެލޯ އެލަރޓް ނެރެފައި ވަނީ ރާއްޖޭގެ އުތުރަށެވެ. އެގޮތުން ހއ އަތޮޅުން ފެށިގެން އދ އަތޮޅާ ހަމައަށް، ކަނޑުތައް ވަރަށް ގަދަވާނެ ކަމަށާއި ގަޑިއަކު 28 މޭލާއި 35 މޭލާ ދެމެދުގެ ބާރުމިނުގައި ވައި ޖެހި، ވިލާގަނޑުގައި ގަޑިއަކު 55 މޭލަށް ވައި ގަދަވާނެ ކަމަށް މެޓުން ވަނީ ލަފާކޮށްފައެވެ.
