ހުޅުމާލޭގެ ގޮނޑުދޮށުން ނުރައްކާތެރި ޖެލީފިޝް ތަކެއް ފެންނަމުންދާތީ ސަމާލުވާން ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން އެދެފިއެވެ.
ހުޅުމާލެ ގޮނޑުދޮށް ސަރަޙައްދު ނުވަތަ ބީޗަކީ ގިނަ އަދަދެއް މީހުން ކޮންމެ ދުވަހަކުވެސްް ގޮސް އުޅޭ ތަނެކެވެ. އަދި ހަފްތާ ބަންދުގައި އާއިލާތައްވެސް މޫދަށް އެރި މަޖާ ކުރުމަށް ދެއެވެ.
އެޗްޑީސީން ކުރި ޓްރީޓެއްގައިވަނީ، ހުޅުމާލޭގެ ގޮނޑުދޮށުން ނުރައްކާތެރި ޖެލީފިޝް ތަކެއް ފެންނަމުންދާތީ ހުޅުމާލޭގެ ގޮނޑުދޮށް، ސަރަހައްދަށާއި މޫދަށް ގޮސްއުޅޭ އެންމެހާ ބޭފުޅުން ސަމާލުވާން އިލްތިމާސްކޮށްފައެވެ.
ބީޗް ސަރަހައްދަށާއި މޫދަށް ގޮސްއުޅޭ އެންމެހާ ބޭފުޅުންގެ ސަމާލުކަމަށް
⚠️⚠️⚠️ pic.twitter.com/lJAniPuNHw
— HDC (@hdcmaldives) August 17, 2022
މީގެކުރިންވެސް އެކި ދުވަސްވަރު ހުޅުމާލެ ގޮނޑުދޮށްތަކުން ޖެލީ ފިޝް ފެނެއެވެ. ޖެލީ ފިޝްއަކީ އޭތި ގައިގައި ޖެހިއްޖެ ނަމަ އެލާޖިކް ރިއެކްޝަނެއް އަންނަ އެއްޗެކެވެ. އޭގެ ސަބަބުން ގައި ހިރުވުން ފަދަ ކަންތައްތައް ކުރިމަތިވެއެވެ. ޖެލީ ފިޝްއެއް ގައިގައި ޖެހިއްޖެ ނަމަ ސިއްޙީ އަވަސް ފަރުވާ ހޯދަންވާނެއެވެ.
