ރާއްޖެއަށް މޫސުން ގޯސްވާނެ ކަމަށް ލަފާކޮށް، މެޓް އޮފީހުން ކުރިން ނެރެފައިވާ އެލަރޓް މިރެއާ ހަމަޔަށް ދަމަހައްޓައިފިއެވެ.
ވައިޓް އެލަރޓް ނެރެފައި ވަނީ ހއ އަތޮޅުން ފެށިގެން ލ އަތޮޅާ ދެމެދަށެވެ.
މެޓް އޮފީހުން މީގެ އިރުކޮޅެއް ކުރިން ނެރުނު ހުދު ސަމާލުގައި ބުނެފައި ވަނީ، ސަމާލު ނެރެފައިވާ ސަރަހައްދަށް ބޯކޮށް ވާރޭ ވެހުމާއެކު ގުގުރުން އެކަށީގެންވާ ކަމަށާއި ގަޑިއަކު 19 މޭލާއި 24 މޭލާ ދެމެދުގެ ބާރުމިނުގައި ވައިޖެހޭނެ ކަމަށް ލަފާކުރެވޭ ކަމަށެވެ. މީގެ އިތުރުން ވިލާގަނޑުގައި ގަޑިއަކު 24 މޭލަށް ވައި ގަދަވެ، ކަނޑުތައް ވެސް ގަދަވާނެ ކަމަށް މެޓް އޮފީހުން ވަނީ ލަފާކޮށްފައެވެ.
Alert white is extended. pic.twitter.com/pXN9Tisbw8
— Maldives Meteorology (@MetMaldives) August 29, 2022
މީގެ އިތުރުން މެޓް އޮފީހުން ބުނެފައިވާ ގޮތުގައި، މިއަދު ހެނދުނު އިންޑޮނޭޝިއާގެ ސުމަތުއާއަށް އައި ބިންހެލުމުގެ އިހުސާސް ރާއްޖެއަށް ކުރެވުނު ކަމަށާއި މި ބިންހެލުމުން ސުނާމީއެއް އުފެދޭނެކަމަށް ނުބެލެވޭ ކަމަށެވެ.
ބިންހެލުމެއް ސުމަތުރާއަށް 0829 ގައި އައިސްފައިވޭ، ރާއްޖެއަށްވެސް އިހުސާސްކުރެވުނު. މިބިންހެލުމުން ސުނާމީއެއް އުފެދޭނެކަމަށް ނުބެލެވޭ pic.twitter.com/D3gBEKBBj3
— Maldives Meteorology (@MetMaldives) August 29, 2022
މި ބިންހެލުން އަހިސްފައި ވަނީ މާލެއާ 2854 ކިލޯމީޓަރު ދުރުން ކަމަށް މެޓުން ބުނެއެވެ.
