އިންޑިޔާގެ އޮޑިޝާގެ މަސްވެރިއެއް ދާ ޖަހައިގެން މަސް ހިފަން އުޅުމުގެ ތެރޭގައި ޕައިތަން އެއްް ހިފިއްޖެއެވެ. އޭނާ ދާ ޖަހައިގެން މަސް ހިފަން އުޅުނީ އޮޑިޝާގެ އަނގުލް ޑިސްޓްރިކްޓްގެ ކޯރަކުންނެވެ.
އެގޮތުން، ހިސާބުގެ އަވަށްގަނޑެއްގައި ދިރިއުޅޭ މަސްވެރިއެއް އާދައިގެ މަތިން މަސްވެރިކަން ކުރުމަށް ކޯރުގައި ދާ ޖެހުމަށްފަހު، ދަލުގައި މަސް ޖެހުނުތޯ ބެލުމަށް ދިޔައިރު ފެނުނީ ހަރުފައެއް ދަލުގައި ދާށިވެފައި އިންދައެވެ.
މިއާއެކު އޭނާ ދުވެފައި ގޮސް އަވަށްގަނޑުގެ މީހުންގެ ސަމާލުކަމަށް މިކަން ގެނައެވެ. އަދި ހަރުފަ ހިފުމުގެ ތަޖުރިބާ ހުރި މީހެއް އެ ސަރަހައްދަށް ގޮސް ބެލުމުން އެއީ ޕައިތަންއެއްކަން އެނގުނެވެ. އަދި ދާގަނޑު ފަރުވާތެރިކަމާއި އެކު ކަނޑާލައިގެން ޕައިތަން ސަލާމަތްކޮށްފައެވެ. އަދި ޕައިތަންއަށް އެއްވެސް އަނިޔާއެއް ލިބިފައިވޭތޯވެސްވަނީ ބަލާފައެވެ.
ފަސް ފޫޓުގެ ދިގު ޕައިތަންއަށް އެއްވެސް އަނިޔާއެއް ލިބިފައި ނެތުމުން ވަނީ އެހިސާބުގެ ޖަންގައްޔަށް ދޫކޮށްލާފައެވެ.
