އިންޑިއާގެ އެކި ހިސާބުތަކަށް މިހާރު ކުރަމުންދާ ވިއްސާރާގައި މަގުތައް ފެންބޮޑުވެ، އެކި ކަހަލަ މަސް މަހާމެހި ފެންގަނޑުތަކުން ދަނީ ފެންނަމުންނެވެ. އެގޮތުން މިފަހުން ސޯޝަލް މީޑިއާގައި ވައިރަލްވެފައިވާ ވީޑިއޯއަކުން ފެންނަނީ ހައިދްރައާބާދުގެ އަންހެނެއް މަގުމަތިން ހޮވި ޑެވިލް ފިޝްއެކެވެ.
ވީޑިއޯއިން ފެންނަނީ ސަކާމައުތު ކެޓުފިޝްއެއްް ނުވަތަ ރެއާ ޑެވިލް ފިޝްއެއް އަތުން ހިފައިގެން ގެންގުޅޭ ތަނެވެ. ގިނަ ބަޔަކު އެ މަސް ބަލާލުމަށް ޖަމާވެފައި ތިއްބެވެ. މީގެ މަހަކީ ހައިދުރައާބާދު ހިމެނޭ ސްޓޭޓު ކަމުގައިވާ ޓެލަންގާނާއިންވެސް އާއްމުކޮށް ފެންނަ ބާވަތުގެ މަހެއް ނޫނެވެ.
ބައެއް މީހުން ބުނާގޮތުގައި މިމަސް އެހިސާބަށް އައިސްވަނީ އުއްޑުން ވާރެ އާއި އެކުއެވެ. ޓެލަންގާނާއިން އާއްމުކޮށް ފެންނަ ބާވަތުގެ މަހަކަށް ނުވި ނަމަވެސް މަދުން ނަމަވެސް އެހިސާބުގެ ކޯރުތަކުންނާއި ފެންގަނޑުތަކުން މި ބާވަތުގެ މަސް މީގެ ކުރިން ފެނިފައި އެބަހުއްޓެވެ.
#Watch: Ramanthapur residents find 'devil fish' amid #Hyderabadflood
Via-@fpjindia #Hyderabad #HyderabadRains #HyderabadNews #DevilFish #Viral #ViralVideo #ViralNews pic.twitter.com/SQrOvbXfwu
— Siraj Noorani (@sirajnoorani) September 13, 2022
މިއަށް ދެވިފައިވާ ނަމާއި އެއްގޮތަށް ޑެވިލް ފިޝައަކީ އެހެން މަސްތައް ޝިކާރަކުރާ މަހެކެވެ. އަދި މި މަސް، ގިނަ ބާވަތްތަކެއްގެ އެހެން މަސް ކައި ހަދައެވެ. މި ސަބަބާއި ހުރެ މި މަހަކީ މަސްވެރިން އެހާ ގަޔާވާ މަހެއް ނޫނެވެ.
