މަސް ބޭނުމަށް ޝައުގުވެރިކަން ހުންނަ ބަޔަކު ލޯންޗެއް ކުއްޔަށް ހިފައިގެން މަހަށް ނުކުތީ ގިނަ އަދަދެއްގެ މަސް ބޭނޭނެ ކަމުގެ އުއްމީދުގައެވެ. އެހެންނަމަވެސް ކަންތައްތައް ދިމާވީ ހީކުރިގޮތަކަށް ނޫނެވެ.
އެމެރިކާގެ މެއިންގައި ހިނގި މި ހާދިސާގައި، ނަނުގައި ޖެހުނު މިޔަރެއް ވަނީ ބާރު ދުވެލީގައި ލޯންޗާއި ދިމާއަށް ގޮސް، ލޯންޗު މައްޗަށް ފުއްމާލާފައެވެ. އޭރު ލޯންޗުގައި ތިބި މަސްވެރިން ވަނީ މިޔަރު ކައިރިން ސަލާމަތްވުމަށް ލޯންޗުގެ މަތީ ބަޔަށް އަރާފައެވެ.
އެމީހުން ސިފަކުރާ ގޮތުގައި މިއީ ހަޔާތުގައި މަދުން ނޫނީ ތަޖުރިބާ ކުރަން ނުލިބޭނެ ކަހަލަ ކަމެކެވެ. އަދި މި ހާދިސާގައި އެއްވެސް މީހަކަށް އަނިޔާއެއް ނުލިބޭ ކަމަށްވެސް އެމީހުން ބުނެފައިވެއެވެ.
Look out! A man on a fishing boat off Maine caught the unbelievable moment a cobalt blue mako shark jumped aboard. https://t.co/3fA9GVou6R pic.twitter.com/Ef5vS1KtCV
— NBC Bay Area (@nbcbayarea) September 15, 2022
ލޯންޗަށް ފުއްމާލި މިޔަރުގެ މިންތައް ނަގައި، ޓެގު ޖެހުމަށްފަހު ވަނީ އަނބުރާ މޫދަށް ދޫކޮށްލާފައެވެ.
މަސްވެރިން ކުއްޔަށް ހިފި ލޯންޗަކީ އާއްމުގޮތެއްގައި މިޔަރުގެ މަސްވެރިކަން ކުރާ ލޯންޗެކެވެ. އެހެން ނަމަވެސް އެމީހުން މިކަން ކުރާ ގޮތަކީ، މަސް ހިފުމަށްފަހު، އޭގެ މިންތައް ނަގައި ޓެގު ހަރުކުރުމަށްފަހު އަނބުރާ ދޫކޮށްލަނީއެވެ.
