އެމެރިކާގެ މަސަޗޫސަސްގެ މަސްވެރިންތަކަކަށް މަހަށް ނިކުމެ އުޅުމުގައި އާދަޔާ ހިލާފު މަންޒަރެއް ފެނިއްޖެއެވެ. މި މަސްވެރިންނަށް ފެނުނީ އެއްގަމާއި ގާތްގަނޑަކަށް އެއް މޭލު ދުރުން ކަނޑުގައި ފުއްްލާތަކެއް ފަތާފައިދާތަނެވެ.
އެމީހުން ވަނީ މި މަންޒަރު ވީޑިއޯކޮށް ސޯޝަލް މީޑިއާގައި ހިއްސާކޮށްފައެވެ. މިއާ އެކު މި ވިޑިއޯ ވަނީ ވައިރަލްވެފައެވެ. ވީޑިއޯއިން ފެންނަނީ ދެ ފުއްލާ މޫދުގައި ފަތާތަނެވެ.
މަހަށް ނިކުމެ އުޅުނު މަސްވެރިންނަކީ މަސް ބޭނުމުގެ މުބާރާތެއްގައި ބައިވެރިވެގެން އުޅުނު ބައެކެވެ. އެމީހުން ބުނި ގޮތުގައި އޭރު ކަނޑުގެ ލޮނުގަނޑުވެސް ވަރަށް ފިނިވާނެއެވެ. ވީޑިއޯއިން ފެންނަ ގޮތުން ފުއްލާތައް ތިބީ ވަރުބަލިވެފައެވެ.
Island fishermen spotted a somewhat unusual sight off Sankaty on Monday: a pair of antlers poking out of the water. Two bucks were swimming together in open water about a mile off the east end of #Nantucket. pic.twitter.com/hdOp8ekUR8
— Nantucket Current (@ACKCurrent) September 16, 2022
އެހާލުގައި ތިބި ފުއްލާތަކެއް ސަލާމަތްކުރަން މަސައްކަތް ނުކުރުމުން މީހުން ވަނީ ވީޑިއޯކުރި މަސްވެރިންނަށް ފާޑުކިޔާފައެވެ. އެހެން ނަމަވެސް އެ މަސްވެރިން ބުނެފައިވަނީ، ފުއްލާއަކީ ބީރައްޓެހި ޖަނަވާރަކަށްވުމުން، އެ އެއްޗެހި ލޯންޗަށް އެރުވުމަކީ ފަސޭހަކަމަކަށް ނުވާނެ ކަމަށެވެ.
