މަހުގެ ކައްޓެއް ދިރުވާލެވިގެން ލަންކާގައި މީހަކު މަރުވެއްޖެއެވެ. ޙަބަރުތައް ބުނާގޮތުގައި އެ މީހާ މަރުވެފައިވަނީ އޭނާއަށް ދިރުވާލެވުނު މަހުގެ ކައްޓަކުން ގޮހޮރުގައި ބާގަނޑެއް ހެދި އިންފެކްޝަންއަކަށް ބަދަލުވުމުންނެވެ.
އުމުރުން 60 އަހަރުގެ އެމީހާ ލަންކާގެ ކޯސްޓަލް ޑިސްޓްރިކްޓް ޖެނެރަލް ހޮސްޕިޓަލަށް ގޮސްފައިވަނީ ބަންޑުގައި ރިއްސާތާ ތިނަ ދުވަސް ވުމުންނެވެ. ބަނޑުގައި ރިއްސުމުގެ އިތުރަށް، ހޮޑޮލެވުމާއި، ބޮޑުކަމުދާން އުނދަގޫވުންވެސް އެއީ އޭނާ ޑޮކްޓަރަށް ދައްކަން ދިޔަ ސަބަބުތަކެވެ.
އޭނާގެ ހާލަތު ހުރިގޮތުން ޑޮކްޓަރުންްވަނީ ވަގުތުން އެމެޖެންސީގައި އޭނާއަށް ފަރުވާންދޭން ފަށާފައެވެ. އަދި ހެދި ސްކޭންތަކުން ބަނޑުގައި ގިނަ އަދަދަކަށް ދިޔާއެއްޗެހި ހުރިކަން ވަނީ ފާހަގަވެފައެވެ. މިއާއެކު އޭނާގެ ކިޑްނީވެސް މަސައްކަތްކުުރުން ހުއްޓިފައިވާ ކަން އެނގުނެވެ.
ދެ ގަޑިއިރުގެ އޮޕަރޭޝަނަކުން އެނގުނު ގޮތުގައި އޭނާގެ ގޮހޮރުގައި ވަނީ ކުޑަ ބާގަނޑެއް ހެދިފައެވެ. އަދި އެހެންވާން މެދުވެރިވީ، 0.8 އިންޗީގެ މަހުގެ ކައްޓަކުންކަންވެސް އެނގުނެވެ. އޭނާގެ ފުރާނަ ސަލާމަތްކުރަން ޑޮކްޓަރުންގެ ޓީމުން ގިނަ މަސައްކަތްތަކެއް ކުރިއެެވެ. އެހެންނަމަވެސް ހާދިސާއާ ގުޅިގެން އިތުރު ފަރުވާ ދެނިކޮށް، ހާޓްއެޓޭކެއް ޖެހިގެން އޭނާ މަރުވީއެވެ.
