ބޮޑު ތިލަދުންމަތީގައި މަސްކިރާނެ ބޯޓެއް ނުބޭއްވުނު އިރު، މަސްކިރާ މަރުކަޒެއް ގާއިމުކޮށްދޭނަމޭ ބުނުމަކީ މަސްވެރިންނަށް ކުރި މަލާމާތެއް ކަމަށް މަސްވެރިން ބުނަން ފަށައިފިއެވެ.
މަސްވެރިން މިހެން ކިޔަން ފެށީ، އަންނަ އަހަރު އިހަވަންދޫގައި މަސް ގަންނަ މަރުކަޒެއް އެޅުމުގެ މަސައްކަތް ފަށާނެ ކަމަށް ރައީސުލް ޖުމްހޫރިއްޔާ އިބްރާހިމް މުހައްމަދު ސޯލިހު ވިދާޅުވުމާ ގުޅިގެންނެވެ.
ރައީސް ޞާލިހް ވިދާޅުވީ އެ ސަރަޙައްދުގައި އޮތް އެންމެ ދިރުންހުރި އެއް އިޤްތިޞާދަކީ އިހަވަންދޫގެ އިޤްތިސާދު ކަމަށެވެ. އަދި އެރަށުގެ އިޤްތިޞާދު ކުރިއެރުވުމަށްޓަކައި ގިނަ މަސައްކަތްތަކެއް ސަރުކާރުން ކުރަން ރާވާފައިވާކަމަށެވެ.
އަންނަ އަހަރު އިހަވަންދޫގައި މަސް ގަންނަ މަރުކަޒެއް އެޅުމުގެ މަސައްކަތް ފަށާނަން: ރައީސް
ނަމަވެސް މަސްވެރި މޫސުން އައިއިރުވެސް އައިސް ލިބުން ދަތިވުމާއި މަސް ކިރުމުގައި އުނދަގޫތައް ހުރި ވާހަކަ މަސްވެރިން އަބަދުވެސް ދައްކައެވެ. ހާއްސަކޮށް، މަސްވެރި މޫސުމުގައި، ދެތިން ދޯނިން މަސް ކިރުވާއިރަށް، މަސް ކިރާ ބޯޓު ފުލްވާކަމަށް މަސްވެރިން ބުނެއެވެ.
One Response
މި ސަރުކާރުގެ ބަހަކާ އަމަލަކާ ދިމާނުވާނެ.މުޅިވެސް އޮޅުވާލުން.