ކުރުމަހަކީ ޢާންމުގޮތެއްގައި އަތޮޅުންބޭރު މާކަނޑުތަކުގައި އުޅޭމަހެކެވެ. މިއީ ހޫނުކަނޑުތަކުގައި އުޅޭ ވަރަށް ހަލުވިމަހެކެވެ. އެންމެބޮޑު ކުރުމަހަކަށް ދުނިޔޭގައި ރިކޯރޑްކުރެވިފައިވަނީ 2.1 މީޓަރުގެ ދިގުމިންހުރި، 83 ކިލޯގްރާމް ހުރި ކުރުމަހެކެވެ. މިއީ ދިވެހިން ކެއުމަށް ބޭނުންކުރާ އަނގަޔަށް މީރުމަހެކެވެ.
ކުރުމަހަކި ދިގުމަހެކެވެ. މަހުގެ އަނގަ ވަރަށް ބޮޑެވެ. އަދި އެއްބަރިއަށް އުފެދިފައި ހުންނަ ގަދަފަދަ ދަތްތަކެއް ހުރެއެވެ. މަހުގެ ބުރަކަށިމަތީ ފުރަތަމަ ކޮތަރިބައިގައި 23 އާއި 27 އާ ދެމެދުގެ ޢަދަދަކަށް ހަރުކަށިހުރެއެވެ. މަހުގެ މަތީބައިގައްޔާއި ބަނޑުދަށްފަރާތުގައި ވަކިވަކިން ހުންނަ ކުދިކޮތަރިބައިގެ ޢަދަދަކީ 8 ނުވަތަ 9 އެވެ. މަހުގެ މަތީބައިގެ ކުލައަކީ ގަދަނޫކުލައަކަށްދާ ފެހިކުލައެކެވެ. މަހުގެ ދެފަރާތުގައި 23 އާއި 30 އާ ދެމެދުގެ ޢަދަދަކަށް ކަޅުކުލައެއްގެ ރޮނގުތަކެއް މަހުގެ ހުރަހަށް ދެމިފައި ހުރެއެވެ.
ކުރުމަސް ކަނޑުގެ ދެފެންދޭތެރެގައި ބައިބަޔަށް މަދު ޢަދަދަކަށް އައިންހަދައިގެން އުޅެއެވެ. މިގޮތަށް އައިން ހަދައިގެން އުޅޭނީ ޢާންމުކޮށް އެއްސައިޒެއްގެ މަހުންނެވެ. ކުރުމަހުގެ ކާނާއަކީ ކަނޑުމަހުގެ ކުދިބާވަތްތަކާ، ފުޅަނގި އަދި ކަނޑުގެ މަތީބައިގައި އުޅޭ އެހެނިހެން މަސްމަހާ، ބޯވަދިލަމަހެވެ. ރާއްޖޭގައި ވަދުއަޅައިގެންނާއި، ހޭމަސް ހަލައިގެން ކުރުމަސް ބާނާއުޅެއެވެ.
މަސްދަރު: ފިޝަސް އޮފް ދަ މޯލްޑިވްސް، މޯލްޑިވްސް މެރިން ރިސާޗް ސެންޓަރ، 2003
އިނގިރޭސި ނަން: Wahoo
5 Responses
އައްޑޫމީހުނާއިތޮޑޫމީހުންފިޔަވައި މާލެއާއިރާއްޖެތެރޭގެ އެހެންހުރިހައިމީހުންކިޔަނީކުރުމަހެވެ މިމަހަކީއެއްމެދިގުމަސްތަކުތެރޭހިމެނޭމަހަކަށްވާއިރު މިމަހަށްކުރުމަސްކިޔަނީއެގޮތްނޭންގޭތީތޯއެވެ ަ މަލާމާތަކަަންތޯއެވެ ނުވަތޟާލޭމީހުންކިޔައިފިއްޔާކޮއްމެނަމެއްވެސްރަނގަޅުނަމަކަށްވަނީތޯއެވެ
މިއީކުރުމަހެއްނޫން މިއީދިގުމަހެއް
މަހެނބަދޫ މީހުންވެސް ކިޔަނީ ދިގުމަސް. ތިޔަށް ކުރުމަސް ކިޔަން ޖެހޭ އެއްވެސް ސަބަބެއް ނެތް
މިމަސް ކެއްކީމާ ވާނީ ކުރު.
ޢަހަރެންގެ ކާފަ ބުނާތީ އަޑުއެހިން. މިމަހަށް އަސްލު ކިޔަނީ ކޫރުމަސް. އެއީ މަހުގެ ބުރަކަށީގަޔާއި ބަނޑުދަށުގައި ކޫރުން އެޅިފައި ހުންނަ ގޮތަށް ހުންނާތީ. ޢެކަމަކު މީހުން ކިޔަންފަސޭހަޔަށް ކުރުމަސް ކިޔަނީ.
Comments are closed.