ޤަވާއިދާއި ހިލާފަށް ކުރާ މަސްވެރިކަމުން ބައެއް ޤައުމުތަކަށް އެތަށް ބިލިއަން ޑޮލަރުގެ ގެއްލުން

ޤަވާއިދާއި ހިލާފަށް ކުރާ މަސްވެރިކަމުގެ ސަބަބުން ތަރައްޤީވަމުން އަންނަ ޤައުމުތަކަށް އަހަރުގެ އެތައް ބިލިއަން ޑޮލަރުގެ އާމްދަނީ ގެއްލިގެންދާކަމަށް ދިރާސާއަކުން ދައްކައިފިއެވެ.

ފައިނޭންޝިއަލް ޓްރާންސްޕޭރެންސީ ކޯރލިޝަނުން ކުރިއަށް ގެންދިޔަ ދިރާސާއަކުން ދައްކާގޮތުގައި ޤަވާއިދާ ހިލާފަށް ބެލެހެއްޓުމެއް ނެތި ކަނޑުގެ ސަރަހައްދުން ކުރާ މަސްވެރިކަމުގެ އަސަރު އެއްމެ ބޮޑަށް ކުރަނީ އެފްރިކާގެ ޤައުމުތަކަށެވެ. އެގޮތުން އެފްރިކާގެ ޤައުމުތަކަށް އަހަރަކު 11.2 ބިލިއަން ރުފިޔާގެ އާމްދަނީއެއް މިފަދަ މަސްވެރިކަމުގެ ސަބަބުން ގެއްލެއެވެ.

ދިރާސާއިން ހާމަވިގޮތުގައި އެފްރިކާގެވެސް އެންމެ ބޮޑު އަސަރެއް ކުރަނީ ވެސްޓު އެފްރިކާގެ ޤައުމުތަކަށެވެ. އެގޮތުން އެފްރިކާގެ ޤައުމުތަކުގެތެރެއިން ގަވާއިދާ ހިލާފަށް ކުރާ މަސްވެރިކަމުގެ 40 އިންސައްތަ މަސްވެރިކަން ކުރަނީ ވެސްޓު އެފްރިކާއަށް ނިސްބަތްވާ ޤައުމުތަކުގައެވެ. މިއާއެކު އެ ސަރަހައްދުގެ ޤައުމުތަކަށް ދަނީ 9.4 ބިލިއަން ޑޮލަރުގެ ގެއްލުމެއް ވަމުންނެވެ. ވެސްޓު އެފްރިކާގެ އާބާދީގެ ބޮޑު ބަޔަކީ މަސްވެރިކަމަށް ބަރޯސާވާ މީހުންނެވެ.

މަސްވެރިކަމާއި އެކުއާ ކަލްޗަރ އަކީ ދުނިޔޭގެ އާބާދީގެ 820 މިލިއަން މީހުން އާމްދަނީ ހޯދުމަށް ކުރާ މަސައްކަތެވެ. އަދި މީގެތެރޭގައި ގިނަ އަދަދެއްގެ އަންހެނުން ހިމެނެއެވެ.

ދުނިޔޭގެ ޤައުމުތަކުގެތެރެއިން، ޤަވާއިދާ ހިލާފަށް ރިޕޯޓުނުކޮށް، ބެލެހެއްޓުމެއް ނެތި މަސްވެރިކަން އެންމެ ފުޅާ ދާއިރާއެއްގައި ކުރާ 10 ޤައުމަކީ، އިންޑޮނޭޝިއާ، ސިއޭރަ ލިއޯން، ގާނާ، ގިނީ، ޓައިވާން، ގިނީ ބިސާއޯ، ސޮމާލިއާ، ޕެރޫ، ލައިބީރިއާ އަދި އާޖެންޓީނާއެވެ.