ބޯކޮށް ވާރޭ ވެހޭނެ ކަމަށް ލަފާކޮށް، މޫސުމާ މެހޭ ގައުމީ އިދާރާ (މެޓް) އިން ރާއްޖޭގެ ދެކުނަށް ވައިޓް އެލަރޓް ނެރެފިއެވެ.
މެޓް އޮފީހުން ވައިޓް އެލަރޓް ނެފެފައި ވަނީ ވ. އަތޮޅުން ފެށިގެން އައްޑޫ ސިޓީއާ ދެމެދަށެވެ.
މިއަދުގެ މެންދުރު ފަހުން ފެށިގެން، މިރޭ 8:00 ގެ ނިޔަލަށް، ރާއްޖޭގެ ދެކުނުގެ ރަށްތަކަށް ބޯކޮށް ވާރޭ ވެހުމާއެކު ގުގުރުން އެކަށީގެންވާ ކަމަށާއި އަދި ގަޑިއަކު 19 މޭލާއި 24 މޭލާ ދެމެދުގެ ބާރުމިނުގައި ވައިޖެހި ވިލާގަނޑުގައި ގަޑިއަކު 40 މޭލަށް ވައިގަދަވެ، ކަނޑުތައް ގަދަވާނެ ކަމަށް މެޓުން ވަނީ ލަފާކޮށްފައެވެ.
Alert white for heavy rain pic.twitter.com/QFLKbZ3Hym
— Maldives Meteorology (@MetMaldives) October 28, 2022
މީގެ ތިން ދުވަސް ކުރިން މެޓުން ވައިޓް އެލަރޓް ނެރެފައި ވަނީ މެދުރާއްޖެ ތެރެއަށެވެ.
