42 ވަނަ މަސްވެރިންގެ ދުވަހުގެ ރަސްމީ ޖަލްސާ ބޭއްވުމަށް ހަމަޖެހިފައި ވަނީ ފަރެސްމާތޮޑާގައެވެ.
މި އަހަރުގެ މަސްވެރިންގެ ދުވަސް ރަސްމީކޮށް ފާހަގަ ކުރާނީ ފަރެސްމާތޮޑާގައި
ފަރެސްމާތޮޑާ ކައުންސިލުން ކުރި އިއުލާނެއްގައި ބުނީ، މަސްވެރިންގެ ދުވަހުގެ މުނާސަބަތާއި ގުޅިގެން ފަރެސްމާތޮޑާއަށް ދާ މެހެމާނުންނަށް ކޭޓަރިންގެ ޚިދުމަތް ފޯރުކޮށްދިނުމަށް ބީލަމަށް ހުޅުވާލެވިފައި ވާކަމަށެވެ. ބީލަން ހުށަހެޅޭނީ ވިޔަފާރި ރަޖިސްޓަރީކުރުމުގެ ޤާނޫނު ގެ ދަށުން ވިޔަފާރި ރަޖިސްޓަރީ ކުރެވިފައިވާ ފަރާތްތަކަށާއި، އަމިއްލަ ފަރުދުންގެ ވިޔަފާރީގެ ޤާނޫނުގެ ދަށުން ވިޔަފާރި ރަޖިސްޓަރީ ކުރެވިފައިވާ ފަރާތްތަކަށް ކަމަށް ކައުންސިލުގެ އިއުލާނުގައި ވެއެވެ.
މި މަސައްކަތާއި ގުޅޭގޮތުން މަޢުލޫމާތު ސާފުކޮށްދިނުން އޮންނާނީ އަންނަ ބުރާސްފަތި ދުވަހުގެ ހެނދުނު 11:00 ގައި ފަރެސްމާތޮޑާ ކައުންސިލްގެ އިދާރާގައެވެ. އަންދާސީ ހިސާބު ބަލައިގަތުމަށް ހަމަޖެހިފައިވަނީ މި މަހުގެ 17 ވަނަ ދުވަހުގެ 11:00 ގައި ފަރެސްމާތޮޑާ ކައުންސިލް އިދާރާގައެވެ.
އެހެންކަމުން މިމަސައްކަތް ކޮށްދިނުމަށް ޝަޢުޤުވެރިވާ ފަރާތްތަކުން މަތީގައި ދެންނެވިފައިވާ ގަޑިއަށް ފަރެސްމާތޮޑާ ކައުންސިލް އިދާރާއަށް ދިއުމަށޤފަހު އަންދާސީ ހިސާބު ހުށަހެޅުމަށް އެ އިދާރާއިން ވަނީ އެދިފައެވެ.
