ޅ.ނައިފަރު މަސްމާރުކޭޓް މެއިންޓަނަންސް ބަލަހައްޓައިދިނުމަށް ޝައުޤުވެރިވާ ފަރާތެއް ހޯދުމަށް އެރަށު ކައުންސިލުން އިޢުލާންކޮށްފިއެވެ.
ނައިފަރު ކައުންސިލްގެ އިދާރާއިންކޮށްފައިވާ އިއުލާނެއްްގައި ބުނެފައިވަނީ، އެރަށު މަސްމާރުކޭޓުގެ މެއިންޓަނަންސް މަސައްކަތްކޮށްެދޭން ޝައުގުވެރިވާ ފަރާތްތަކަށް ބީލަން ހުށަހެޅުމުގެ ފުރުޞަތު ހުޅުވާލާފައިވާ ކަމަށެވެ.
މި މަސައްކަތްކޮށްދިނުމަށް ޝައުގުވެރިވާ ފަރާތްތަކުން، ބީލަމުގައި ބައިވެރިވެ، އަންދާސީ ހިސާބު ހުށަހެޅުމަށްވަނީ އެދިފަައިވާއިރު، އަންދާސީ ހިސާބާއި ގުޅިގެން އެއްވެސް ސެކިއުރިޓީ/ ގެރެންޓީ އެއް ހުށަހަޅަންޖެހޭ ނަމަ ހުށަހަޅަންވާނީ ސެކިއުރިޓީ/ގެރެންޓީގެ އަސްލު ކަމަށް ކައުންސިލުން ހާމަކުރެއެވެ.
ބިޑުގައި ބައިވެރިވުމަށް މިމަހުގެ 10ވަނަ ދުވަހުން ފެށިގެން، 17ވަނަ ދުވަހުގެ މެންދުރުފަހު 1:00ގެ ކުރިން ނައިފަރު ކައުންސިލްގެ އެކައުންޓަށް، 100 ރުފިޔާގެ ފީއެއް ދައްކަން ޖެހެއެވެ.
ބިޑާއި ގުޅިގެން އިތުރު މައުލޫމާތު ސާފުކުރަން ބޭނުންވާ ފަރާތްތަތަކުން މިމަހުގެ 17ވަނަ ދުވަހުގެ މެންދުނު 12:00ގެ ކުރިން މައުލޫމާތު ސާފުކުރުމަށް ކައުންސިލުން ވަނީ އެދިފައެވެ. ބިޑު ހުށަހެޅުމުގެ ބައްދަލުވުން އޮންނާނީ މިމަހުގެ 17ވަނަ ދުވަހުގެ މެންދުރުފަހު 1 ޖަހާއިރު، ނައިފަރު ކައުންސިލް އިދާރާގައެވެ.
