މަސްވެރިންގެ ދުވަހުގެ މުނާސަބަތުގައި މަސްރޭހެއް ބޭއްވުމަށް ރ.ވާދޫ ކައުންސިލުން ނިންމައިފިއެވެ.
މި މަސްރޭސް ބޭއްވުމަށް ހަމަޖެހިަފއިވަނީ ޑިސެމްބަރ 10 ވާ ހޮނިހިރު ދުވަހުގެ ހެނދުނު 7:00 އިން ހަވީރު 17:30 އަށެވެ.
ވާދޫ ކައުންސިލުން ބުނީ މިރޭހުގައި ބައިވެރިވުމަށް ބޭނުންވާ ފަރާތްތަކުން ޑިސެމްބަރ 07 ވާ ބުދަ ދުވަހުގެ 14:00 ގެ ކުރިން އެކަމަށް އެދޭ ފޯމު، ކައުންސިލް އިދާރާއަށް ހުށަހަޅަންޖެހޭނެ ކަމަށެވެ.
އަދި މިމުބާރާތް ސްޕޮންސަރ ކުރުމަށާއި، އެކިވަނަތަކަށް އިނާމް ހުށަހެޅުއްވުމުގެ ފުރުސަތު ޑިސެމްބަރ 07 ވާ ބުދަ ދުވަހުގެ 14:00 ގެ ނިޔަލަށް ވަނީ ހުޅުވާލެވިފައެވެ. މިކަމާއި ގުޅިގެން އިތުރު މައުލޫމާތު ހޯއްދެވުމަށް މިއިދާރާއަށް ގުޅުއްވުމަށްވެސް ވަނީ އެދިފައެވެ.
މަސްވެރިންގެ ދުވަހަކީ ޑިސެމްބަރުމަހުގެ 10ވަނަ ދުވަހެވެ. މިއަހަރުގެ މަސްވެރިންގެ ދުވަސް ރަސްމީކޮށް ފާހަގަކުރުމަށް ހަމަޖެހިފައިވަނީ ގދ. ފަރެސްމާތޮޑާގައެވެ.