އެއް ދަތުރުން އެންމެ ގިނަ ބޮޑު ކަންނެލި ބޭނި ރިކޯޑް ހއ އިހަވަންދޫ ދޯންޏަކަށް ލިބިއްޖެއެވެ.
އިހަވަންދޫ "މާހޯރަ-3" ދޯނިން ވަނީ އެއް ދަތުރުގައި 14 ޓަނުގެ ކަންނެލި ބާނައި، 11 ޓަނު 865 ކިލޯ އެންސިސް ފިޝަރީޒް އަށް ކިރުވާފައެވެ. މިއީ އެންސިސްގެ ތާރީހުގައިވެސް އެއް ދަތުރުގައި ދޯންޏަކުން އެންމެ ގިނަ ކަންނެލި ކިރުވި ފަހަރެވެ.
މީގެކުރިން މި ރިކޯޑް އޮތީ އއ ރަސްދޫ "ޒޫމް ފިޝަރ" ދޯނީގައެވެ. އެދޯނިން އެއް ދަތުރުން 11 ޓަނު 501 ކިލޯ ކިރުވިއެވެ.
މިދަތުރުން ކިރުވި ކަންނެލިން، ކޮންމެ ފަޅުވެރިއަކަށް 25 ހާހަށްވުރެ ގިނަ ރުފިޔާ ލިބުނެވެ.
