ރާއްޖޭގައި ބާނާ މަސް ގަތުމުގެ ކެޕޭސިޓީމިހާރަށްވުރެ އިތުރުކުރުމަށްޓަކައި މިފްކޯއިން މަސްކިރާ އިތުރު ތިން ބޯޓު ގަނެފިއެވެ.
މިފްކޯއިން މައުލޫމާތު ދޭ ގޮތުގައި، ކުރިއަށް އޮތީ، އެ ބޯޓުތަކުގެ ރަޖިސްޓްރޭޝަން ބަދަލު ކުރުމުގެ މަސައްކަތެވެ. ބޯޓުތަކާ ބެހޭ އިތުރު ތަފުސީލު ފަހުން ހާމަ ކުރާނެކަމަށް މިފްކޯއިން ބުންޏެވެ. އަދި އެ ބޯޓުތައް ރާއްޖެ ގެނެވޭނެ ދުވަހެއްވެސް މިފްކޯއިން ހާމައެއް ނުކުރެއެވެ.
މަސް ގަތުމަށް މިވަގުތު މިފްކޯގައި އޮންނަ ދެ ބޯއްޓަކީ ޖަޒީރާ 102 ބޯޓާއި މަހާ ކަލަމިންޖާއެވެ. 100 ޓަނުގެ މަސް ރައްކާކުރެވޭ، ޖަޒީރާ 102 ރާއްޖެ ގެނައީ މިދިޔަ އަހަރުއެވެ.
މަހާ ކަލަމިންޖާއަކީ 90 ޓަނާއި ހަމައަށް މަސް ގަތުމުގެ ގާބިލްކަން ހުރި ބޯޓެކެވެ.
