މަސްވެރިއަކު ޒަޚަމްވެގެން އެމްއެންޑީއެފްއިން އެހީތެރިކަން ފޯރުކޮށްދީފިއެވެ.
އެމްއެންޑީއެފްއިން ބުނީ، ޒަޚަމްވެފައި ވަނީ މަސްވެރިކަމަށް ނުކުމެ އުޅުނު "ހީވާގި" ނަމަކަށް ކިޔާ މަސް ދޯނީގައި ހުރި އުމުރުން 50 އަހަރުގެ ފަޅުވެރިއަކު ކަމަށެވެ.
ޒަހަމްވި މަސްވެރިޔާ، އިތުރު ފަރުވާއަށް ރ.އުނގޫފާރަށް ގެންގޮސް ދިނުމުގައި އެމްއެންޑީއެފް ނޮދަން އޭރިއާ ކޮމާންޑް ކޯސްޓްގާޑު ފަސްޓް ސްކޮޑްރަންއިން އެހީތެރިކަން ފޯރުކޮށްދީފައި ވާކަމަށް އެމްއެންޑީއެފްއިން މައުލޫމާތު ދިނެވެ.
"މި ހާދިސާގެ މަޢުލޫމާތު އެމްއެންޑީއެފް ކޯސްޓްގާޑު މެރިޓައިމް ރެސްކިޔު ކޯޑިނޭޝަން ސެންޓަރަށް ލިބިވައިވަނީ މިއަދު މެންދުރު 12:18 ހާއިރު،؛" އެމްއެންޑީއެފްއިން ބުންޏެވެ.
މީގެ އިތުރުން އެމްއެންޑީއެފްއިން ބުނީމ ރ.އަލިފުށީގެ އުތުރުން 13 ނޯޓިކަލް މޭލު ބޭރުގައި މަސްވެރިކަން ކުރަމުންދިޔަ މި ދޯނިން އެ ފަޅުވެރިޔާ އެމްއެންޑީއެފް ނޮދަން އޭރިއާ ކޮމާންޑް ކޯސްޓްގާޑު ފަސްޓް ސްކޮޑްރަންގެ އުޅަނދަށް ނެގުމަށް ފަހު މިއަދު 15:15 ހާއިރު ވަނީ ރ.އުނގޫފާރަށް ގެންގޮސް ދީފައި ކަމަށެވެ.
