އެމެރިކާގެ ފްލޮރިޑާގައި މޫދަށް ދިޔަ މީހަކަށް މިޔަރެއް ހަމަލާ ދީފިއެވެ.
ފްލޮރިޑާގެ ކީ ވެސްޓުގައި ހިނގި މި ހާދިސާގައި މިޔަރުގެ ޝިކާރައަކަށްވެފައިވަނީ 34 އަހަރުގެ ރޮމޭނިއާއަށް ނިސްބަތްވާ ފަތުރުވެރިއެކެވެ. އޭނާގެ ފައިގައި މިޔަރު ދަތް އަޅާފައިވާއިރު، އެއީ ސައިޒުން ބޮޑު މިޔަރެއް ކަމަށް ކީ ވެސްޓު ފުލުހުން ހާމަކުރެއެވެ.
މިޔަރުގެ ހަމަލާއަށްފަހު އޭނާ ވަނީ ހިނގާފައި އެމްބިއުލެންސްއާއި ހަމައަށް ގޮސްފައެވެ. އޭނާއަށް ފުރާނައަށް ނުރައްކާވާވަރުގެ ޒަހަމްތަކެއް ލިބިފައި ނުވާކަމަށް ޙަބަރުތައް ބުނެއެވެ.
މިޔަރުގެ ހަމަލާއަށްފަހު އެހިސާބުގެ މޫދުގެ ސަރައްހަދު ބެލެހެއްޓުމުގެ މަސައްކަތްވަނީ ހަރުކަށިކޮށްފައެވެ. އަދި މޫދަށް އެރޭ ފަރާތްތައް ސަމާލުވުމަށްވަނީ ދަބު ކުލައިގެން ދިދަތައް ޖަހާފައެވެ.
ފްލޮރިޑާގެ ކަނޑުގެ ސަރަހައްދަކީ ގިނަ އަދަދެއް މިޔަރުތައް އުޅޭ ހިސާބެކެވެ. އަދި މަދުން ނަމަވެސް މިޔަރުގެ ހަމަލާތައް އިންސާނުންނަށް މީގެ ކުރިންވެސް ވަނީ އަމާޒުވެފައެވެ.
