އިއްޔެ ހިނގި ކަނޑުމަތީގެ އެންމެ ހިތާމަވެރި ހާދިސާއަކީ، ގއ. މާމެންދޫ 'ފަހިރޯދި' ދޯނި މަހަށް ނުކުމެ އުޅެނިކޮށް ބިންދައިގެން ދިޔަ ހަބަރެވެ.ް ދޯނީގެ އެއް ހިއްސާދާރު ޒުބައިރު މުހައްމަދު މައުލޫމާތު ދިން ގޮތުގައި ދޯނި ބިނދުނީ، މަރާމާތު ކުރުމަށްފަހު މަހަށް ނުކުތް ފުރަތަމަ ދަތުރުގައެވެ.
ބޮޑުމިނުގައި 97 ފޫޓު ހުންނަ 'ފަހިރޯދި' ދޯނި މަރާމާތު ކޮށްފައިވަނީ ފުވައްމުލައް ސިޓީގައެވެ.
އެ ހިތާމަވެރި ހާދިސާ ހިނގިއިރު ދޯނީގައި 19 ފަޅުވެރިން ހަރަކާތްތެރިވަމުން ދިޔައެވެ. ހާދިސާ ހިނގި ވަގުތު އެއް ފަޅުވެރިއަކަށް ކޮންމެވެސް ވަރެއްގެ އަނިޔާއެއް ލިބުނު ނަމަވެސް އެހެން މީހަކަށް އަނިޔާ ވެފައެއް ނުވެއެވެ.
ޒުބައިރު މައުލޫމާތު ދޭ ގޮތުގައި، މި ހާދިސާގެ ސަބަބުން ދޯނި އަލުން މަރާމާތު ކުރުމަށް 4 މިލިއަނާ ގާތްކުރާ އަދަދަކަށް ފައިސާ ހަރަދުވާނެއެވެ. ދޯނި ބިންދައިގެން ދިޔައީ ކަނޑުގަދަވުމުން ކަމަށް ލަފާކުރެވޭކަމަށް ޒުބައިރު ބުންޏެވެ. އަދި އަލުން މަރާމާރު ކުރުމަށްފަހު ދޯނި ބޭނުންކުރެވޭނެ ކަމަށާއި ނަމަވެސް އެކަމަށް ހައެއްކަ މަސް ނަމާގެ ކަމަށް ޒުބައިރު ބުންޏެވެ.
2 Responses
ތި ދޯނީގައި ނޫޅޭނެ ހަމަ އެކަތިވެސް ކުރީގައި
ރިބާހިމެނޭލޯނުނެގީމަ ވާނި އަބަދުވެސް ދެރަގޮތް