ހދ. މަކުނުދޫ އަބްދުލްވާހިދުގެ ދެވަނަ މަސްދޯނި ބާލައިފިއެވެ.
"ވިންދު" ނަމަކަށް ކިޔާ މި މަސްދޯނި ބާލާފައި ވަނީ އިއްޔެގެ ވަގުތެއްގައެވެ. އަދި މި ދޯނީގެ ފުރަތަމަ ދަތުރު ކޮށްފައި ވަނީ އެ އަތޮޅު އިހަވަންދޫއަށްެވެ.
ދޯނި ބޭލުމަށްފަހު އެކަމާ ގުޅިގެން އިންޓަވިއުއެއް ދެމުން އަބްދުލް ވާހިދު ބުނީ، އިތުރު އެއްވެސް ވަޒީފާއެއް އަދާނުކޮށް އޭނާ ކާންބޯން ކުރާ މަސައްކަތަކީ މަސްވެރިކަން ކަމަށެވެ.
މަންމަޔާ އެއްބަންޑު ދައްތައެއްގެ އޮޑިފަހަރުގައި ފުރަތަމަ މަހަށް ދާން ފެށި އަބަދުލް ވާހިދު، އޮޑިފަހަރު ދުއްވުމުން ފެށިގެން މަސް ކެނޑުމާއި މަސް ކެއްކުން ފަދަ މަސައްކަތްތައް ވެސް ކުރިއެވެ.
އަހަރުތަކެއްގައި މިފަދައިން މަސައްކަތް ކުރުމަށްފަހު، އަމިއްލައަށް މިކަމުގައި ކުރިއަށްދާ ވިސްނުން އައުމުން، އަމިއްލަ ދޯންޏެއް ހޯދީ ކަމަށް އަބްދުލް ވާހިދު ބުންޏެވެ. 83 ފޫޓުގެ އެ ފައިބަރ ދޯނި ބަނދެ، ދުއްވަމުން އައިސް، މިހާރު އެ ދޯނި މިޒަމާނަށް ނުފެތޭތީ އެހެން ދޯންޏެއް ބަންނަން ހިޔާލު އައީ ކަމަށް އޭނާ ފާހަގަ ކުރިއެވެ.
އެހެންކަމުން ކުރީގެ ދޯނި ވިއްކާލާފައި ދެވަނަ ދޯންޏެއް ބަނީއެވެ.
އޭނާގެ މިފަހަރުގެ ދޯނީގެ ދިގުމިނުގައި 91 ފޫޓު ހުންނައިރު، ފުޅާމިނުގައި 27 ފޫޓު ހުރެއެވެ. ދޯނީގައި އަޅާފައި ވަނީ ޔަންމާ 659 ހޯސްޕަވަރ އިންޖީނެކެވެ.
One Response
އޭނާގެ މަސައްކަތުގައި ބަރަކާތް ލައްވާށި