މަސްވެރިކަން ކުރުމުގައި ލައިސަންސް ނަގަން ޖެހޭ ފަރާތްތަކުގެ ގޮތުގައި މަސްވެރިންގެ އަތްމަތީ ފޮުގައި ބަޔާންކޮށްފައި ވަނީ ހަތަރު ބާވަތެއްގެ މަސްވެރިކަމެވެ.
އެއީ ކަނޑުމަސްވެރިކަމާއި ފާނަ މަސްވެރިކަން އަދި ފަރު މަސްވެރިކަމުގެ އިތުރުން ހިބަރުގެ މަސްވެރިކަމެވެ.
ކަނޑުމަސްވެރިކަމުގައި ލައިސަންސް ނަގަންޖެހޭ ފަރާތްތަކުގެ ތެރޭގައި، ހަމައެކަނި ކަޅުބިލަމަހުގެ ދޮށީގެ މަސްވެރިކަން ކުރާ ފަރާތްތަކާއި ހަމައެކަނި ބޮޑުކަންނެލީގެ އަތުނަނުގެ މަސްވެރިކަން ކުރާ ފަރާތްތައް ހިމެނެއެވެ. އޭގެ އިތުރުން ލައިސަންސް ނަގަން ޖެހޭ ކަނޑުމަހުގެ މަސްވެރިކަން ކުރާ އުޅަނދުފަހަރަކީ:-
- ކަޅުބިލަމަހުގެ ދޮށީގެ މަސްވެރިކަން ކުރާ އުޅަނދުފަހަރާއި ބޮޑުކަންނެލީގެ އަތުނަނުގެ މަސްވެރިކަން މަސްވެރިކަން ކުރާ އުޅަނދުފަހަރު
- އެކްސްޕޯޓު ކުރާ ފަރާތްތަކަށް ވިއްކުމަށް ވަދުނަނުގެ މަސްވެރިކަން ކުރާ އުޅަނދުފަހަރު
- ހަމައެކަނި ރާއްޖޭގެ ބާޒާރުގައި ވިއްކުމަށް ކަނޑުމަހުގެ މަސްވެރިކަން ކުރާ އުޅަނދުފަހަރެވެ.
މީގެ އިތުރުން، ފާނަ މަސްވެރިކަމާއި ފަރު މަސްވެރިކަން އަދި ހިބަރުގެ މަސްވެރިކަމުގައި ލައިސަންސް ނަގަން ޖެހޭނީ ވިޔަފާރި ބޭނުމަށޤ މަސްވެރިކަން ކުރާ އުޅަނދުފަހަރެވެ.
