ކޫއްޑޫއިން މަސްވެރިންނަށް ކިއު ނަމްބަރު ދޫކުރާ އުސޫލަށް ބަދަލުތަކެއް ގެނެސްފިއެވެ.
ރާއްޖޭގެ ހުރިހާ ސަރަހައްދަކަށް ހާއްސަކޮށް ދެކުނަށް މަސްވެރިކަން އާދަޔާ ހިލާފަށް ރަނގަޅުވެފައިވާ މި ދަނޑިވަޅުގައި ދޯނިފަހަރުން ބާނާ ހުރިހާ މަހެއް އެދުވަހުން ދުވަހަށް ނުކިރުވޭތީ ކޫއްޑޫ ޖެޓީއިން ގެންދަނީ މަސްވެރިންނަށް ކިއު ނަމްބަރު ދޫކުރަމުންނެވެ.
އަދި އެ ތަރުތީބުން ދޯނިތަކުން ނޯޓު ކުރެވިފައިވާ އަދަދުތަކަށް މަސްކިރުވަމުންނެވެ. ނަމަވެސް ބައެއް ދޯނިފަހަރުން ބޮޑެތި އަދަދުތައް ނޯޓު ކުރާތީ އާއި، މަސް ނުބާނާ ކިއު ނަމްބަރު ނަގަމުންދާތީ އެހެން ދޯނިފަހަރަށް ގެއްލުންވަމުންދާކަން ފާހަގަކުރެވިފައިވާ ކަމަށް ކޫއްޑޫއިން ހާމަކުރެއެވެ.
އެހެންކަމުން މާދަމާއިން ފެށިގެން (25.02.2023) ދޯނި ފަހަރުތަކަށް ކިއު ނަމްބަރު ދޫކުރާނީ ކޮންމެ ދޯންޏެއްވެސް ޖެޓީ އަށް ކައިރިކޮށް ދޯނީގައި މަސް ހުރިތޯ ބަލާ ޗެކް ކުރުމަށްފަހުގައެވެ. އަދި މަސް ކިރުވާ ދުވަހު އެއްވެސް ދޯންޏަކަށް ކިއު ނަމްބަރު ދޫނުކުރެވޭނެ ކަމަށާއި، އަދި ކިއު ނަމްބަރު ޖެހޭ ދުވަހުގެ ކުރީ ރޭ ކޫއްޑޫއިން ދޯނިފަހަރަށް އެންގުމުން ގަޑިޔަށް ހާޒިރުވާން ޖެހޭނެ ކަމަށް ކޫއްޑޫއިން ހާމަކުރެއެވެ. އަދި ކިއު ނަމްބަރު ޖެހޭއިރު ނާދެވޭ ދޯނިފަހަރުގެ ކިއު ނަމްބަރު ކެންސަލް ކުރެވި އެދުވަހެއްގެ ކިއުގެ އެންމެ ފަހަތަށް ލެވޭނެ ކަމަށްވެސް ކޫއްޑޫއިން ބުނެއެވެ.
One Response
ގެެއްލުން ބޮޑަށް ވާނީ ކުންފުންޏަށް، ގަންނަން ނުލިބުނީމަ. ވާހަކަ އަންބުރާލަން މޮޅޭ ދޯ!