ފުޑް އެންޑް ބެވަރޭޖް ޝޯގައި މިފްކޯއިން ކާން – ތައްޔާރު ކާނާގެ އުފެއްދުންތަކެއް ބާޒާރަށް ނެރެފިއެވެ.
ޕްރިޒަވޭޓިވް ކެމިކަލްތަކާއި ނުލައި ތައްޔާރުކުރެވިފައިވާ މަހުގެ މި ރެޑީ-ޓު-އީޓް ސެޓް މީލް ތަކަކީ މައިކްރޯވޭވް ގައި 5 މިނެޓް ވަންދެން ހޫނުވެލީމަ ކާން- ތައްޔާރު އުފެއްދުންތަކެކެވެ. ބަތާއި، ކަނޑުމަސް އަދި ތަރުކާރީގެ ބާވަތްތެއް ހިމެނޭ މި ސެޓް މީލްތަކަކީ އަގުހެޔޮކޮށް ސިއްހަތައް ފައިދާހުރި ކާނާ ވަގުތުން ތައްޔާރުކޮށްގެން ކެއުމަށް ލިބޭ ރަނގަޅު ފުރުސަތެއްގެ ގޮތުގައި މިފްކޯއިން ދެކެއެވެ.
މިފްކޯއިން ބުރާސްފަރި ދުވަހު ތަޢާރަފްކޮށްފައި ވަނީ
ޓޫނާ އިން ހޮޓް ބަޓާރ ސޯސް
ޓޫނާ ވިތް އޮބަޖީން
ޓޫނާ އިން ބާބަކިއު ސޯސް
މަސްބަތް
ޓޫނާ ވިތް ކަންކުން
މިފްކޯއިން ތަޢާރަފްކުރި ޑިޝްތަކުގެ ތެރެއިން ޓޫނާ ވިތް އޮބަޖީން ފިޔަވައި ދެންހުރި ހުރިހާ ބާވަތެއްވެސް 45 ރުފިޔާއަށް މިކްފޯގެ މަސް ފިހާރަތަކުން މިއަދުން ފެށިގެން ލިބެން ހުންނާނެއެވެ. ޓޫނާ ވިތް އޮބަޖީން ލިބެން ހުންނާނީ 50 ރުފިޔާއަށެވެ.
މި ހުރިހާ ޑިޝްތަކެއްވެސް ރަހަބަލާލުމުގެ ފުރުސަތު ސެންޓްރަލް ޕާކުގައި ކުރިއަށްދާ ފުޑް އެންޑް ބެވަރޭޖް ޝޯގައި ލިބެން ހުންނާނެ ކަމަށް މިފްކޯއިން ހާމަކުރެއެވެ.
އެހެން އަހަރުތަކެކޭވެސް އެއްގޮތަށް މި އުފެއްދުންތައްވެސް ކަސްޓަމަރުންނަށް ގެނެސްދެނީ މިފްކޯގެ އެގްޒެޓިވް ޝެފް ނާބެއެވެ.
