އެއް ދަތުރުން އެންމެ ގިނަ ކަންނެލި ބޭނި ރެކޯޑް މަހިބަދޫ ޓޫނާ-3 ދޯންޏަށް ލިބިއްޖެއެވެ.
"މަސްވެރިން އޮންލައިން" އަށް މައުލޫމާތު ދެއްވަމުން ޓޫނާ-3 ގެ ވެރިޔާ އަދި ކެޔޮޅު މޫސާ އަމީން ވިދާޅުވީީ ކަންނެލި ކިރާ ނިމުނީ މިއަދު ކަމަށާއި، ޖުމުލަ16 ޓަނު 4 ކިލޯ ކަންނެލި ކިރރާފައިވާ ކަމަށެވެ.
"މަސް ކިރީ ބިގް ފިޝްއަށް، ގްރޭޑް އެއްޗެހި. ދެން ރިޖެކްޓް އެއްޗެހި ވިއްކީ މާލެއަށް،" އަމީން ވިދާޅުވިއެވެ.
13 ޓަނު180 ކިލޯ ކަންނެލި ބިގްފިޝްއަށް ކިރުމަށްފަހު ރިޖެކްޓް3 ޓަނު200 ކިލޯ މާލެއަށް ކިރީ ކަމަށް އަމީން ވިދާޅުވިއެވެ.
އެއްދަތުރުން އެންމެ ގިނައިން ކަންނެލި ބޭނުމުގެ ރިކޯޑް މީގެކުރިން އޮތީ ފ.ފީއަލީ "ބަންދަރީ" ދޯނީގައެވެ. އެ ދޯނިން މި ރެކޯޑް ގާއިމު ކުރީ މިދިޔަ ހޯމަ ދުވަހުއެވެ. އެދޯނިން ވަނީ 14 ޓަނު ކަންނެލި ކިރުވާފައެވެ.
އެއްދަތުރުން އެންސިސްއަށް އެންމެ ގިނަ ކަންނެލި ކިރުވައިގެން މީގެ ކުރިން ހއ. އިހަވަންދޫ މާހޯރަ-3 ދޯނިވެސް ރެކޯޑު ހަދާފައި ވެއެވެ. މިދިޔަ އަހަރުގެ ފަހުކޮޅު އެ ދޯނިން 11 ޓަނު 865 ކިލޯގެ ބޮޑު ކަންނެލި އެންސިސްއަށް ކިިރުވާފައިވެއެވެ. އޭގެ ކުރިން މި ރިކޯޑް އޮތީ އއ ރަސްދޫ "ޒޫމް ފިޝަރ" ދޯނީގައެވެ. އެދޯނިން އެއް ދަތުރުން 11 ޓަނު 501 ކިލޯ ކިރުވިއެވެ.
ބޮޑުކަންނެލީގެ ރިކޯޑް ޓޫނާ-3 ދޯނިން މުގުރާލިއިރު ދޮށީގެ މަސްވެރިކަމުގެ ރިކޯޑް މިވަގުތު އޮތީ ގދ. މަޑަވެލީ ޓީއެސްލައިން ދޯނިގައެވެ.
