ދިވެހިރާއްޖޭގެ ކަނޑުމަހުގެ މަސްވެރިކަން މެނޭޖްކުރުގެ ޕްލޭން ތަންފީޒުކުރުމާއި މުރާޖަޢާކުރުމާ ގުޅޭގޮތުން މިނިސްޓްރީއަށް ލަފާދިނުމަށް ޓަކައި، ކަނޑުމަހުގެ މަސްވެރިކަން ރާވައި، ހިންގާ ބެލެހެއްޓުމުގެ ގަވާއިދުގެ 5 ވަނަ މާއްދާގައި ބަޔާން ކުރެއެވެ.
އެ މާއްދާގެ (ހ) ގައި ބުނަނީ އެ ގަވާއިދަށް އަމަލުކުރަން ފަށާތާ 3 (ތިނެއް) މަސްދުވަހުގެ ތެރޭގައި (ގަވާއިދު ގެޒެޓްކުރެވުނީ 29 އޮގަސްޓް 2022) ކަނޑުމަހުގެ މަސްވެރިކަން މެނޭޖްކުރުމަށް ކޮމިޓީއެއް އެކުލަވާލަން ވާނެކަމަށެވެ.
މި މާއްދާގައި ބަޔާންކުރާ ކޮމިޓީއަށް މެންބަރުން އައްޔަން ކުރާނީ މިނިސްޓަރެވެ. މި ކޮމިޓީ އެކުލަވައިލަންޖެހެނީ ތިރީގައިވާ މެމްބަރުންގެ މައްޗަށެވެ.
- މިނިސްޓްރީގެ ފިޝަރީޒް ޑިޕާޓްމަންޓް ތަމްސީލުކުރާ މަންދޫބެއް (މުޤައްރިރު)
- މޯލްޑިވްސް މެރިން ރިސާޗް އިންސްޓިޓިއުޓް (އެމް.އެމް.އާރް.އައި) ތަމްސީލުކުރާ މަންދޫބެއް
- ކަނޑުމަހުގެ މަސްވެރިކަމުގެ ބާވަތްތަކުގެ ތެރެއިން ކޮންމެ ބާވަތެއް (ދޮށީގެ މަސްވެރިކަމާއި، އަތުނަނުގެ މަސްވެރިކަމާއި، ވަދުނަނުގެ މަސްވެރިކަމާއި، ލޭނު މަސްވެރިކަން) ތަމްސީލުކުރާ، އެއް ފަރާތެއް ހިމެނޭ ގޮތުގެ މަތީން 4 (ހަތަރެއް) މަސްވެރިން
- އެކްސްޕޯޓޫކުރުމަށް ކަނޑުމަހުގެ އުފެއްދުންތައް އުފައްދާ ފަރާތްތަކުގެ މަންދޫބެއް
- ރާއްޖޭގެ ބާޒާރުތަކަށް ޚާއްސަކޮށްގެން ކަނޑުމަހުގެ އުފެއްދުންތައް އުފައްދާ ފަރާތްތަކުގެ މަންދޫބެއް
- މިނިސްޓްރީ އޮފް އެންވަޔަރަމަންޓް، ކްލައިމަޓް ޗޭންޖް އެންޑް ޓެކްނޯލޮޖީ ތަމްސީލުކުރާ މަންދޫބެއް
- މިނިސްޓްރީ އޮފް އިކޮނޮމިކް ޑިވެލޮޕްމަންޓް ތަމްސީލުކުރާ މަންދޫބެއް
- ލޯކަލް ގަވަރމަންޓް އޮތޯރިޓީ ތަމްސީލުކުރާ މަންދޫބެއް
- ދިވެހިރާއްޖޭގައި ރަޖިސްޓްރީކޮށްފައިވާ، މި ގަވާއިދުގެ ދާއިރާތަކުގެ ތެރޭގައި ކަނޑައަޅާފައިވާ ހަރަކާތްތަކާ ގުޅުންހުރި 2 (ދޭއް) ޖަމްޢިއްޔާއަކުން، ކޮންމެ ޖަމްޢިއްޔާއެއް ތަމްސީލުކުރާ 1 (އެކެއް) މަންދޫބު
މި ކޮމިޓީގެ ޖަލްސާއެއް އެންމެ މަދުވެގެންވެސް އަހަރަކު 1 (އެކެއް) ފަހަރު ބާއްވަންޖެހެއެވެ.