ހއ. އިހަވަންދޫ ބަނދަރުގައި އަމިއްލަތަކެތީގައި މަސްކަޑާ 02 ހަޓް ހަދާދޭނެ ބަޔަކު ހޯދުމަށް އެރަށު ކައުންސިލުން އިއުލާންކޮށްފިއެވެ.
އިހަވަންދޫ ކައުންސިލް އިދާރާއިން ބުނީ މިަކަމށް ޝައުޤުވެރިވާ ފަރާތްތަކަށް އެފުރުޞަތު ހުޅުވާލާކަމަށެވެ. ބީލަމުގައި ރަޖިސްޓްރީ ވުމަށް މެއިލް ކުރަން ޖެހެނީ procurement@ihavandhoo.gov.mv އަށެވެ. ފޯނުން ނަމަ 6500256 އަށެވެ. އަދި އެއިދާރާއަށް ޙަޟިރުވެގެން ވެސް ބީލަމުގައި ރަޖިސްޓަރީ ކުރެވޭނެއެވެ.
ބީލަމުގައި ރަޖިސްޓްރީ ނުވާ ފަރާތްތަކަށް އަންދާސީ ހިސާބު ހުށަނޭޅޭނެެއެވެ. ބިޑް ހުށަހެޅުން އަދި ބިޑް ހުޅުވުން އޮންނާނީ އަންނަމަހުގެ8ވަނަ ދުވަހުއެވެ.
ކައުންސިލް އިދާރާއިން ބުނީ، ބީލަމުގައި ރެޖިސްޓްރީވެ މަޢުލޫމާތު ސާފުކޮށް މިމަސައްކަތް ކޮށްދެވޭނީ ކުންފުނި، ޕާޓްނަރޝިޕް، ލޯކަލް އިންވެސްޓްމަންޓް، ފަރުދީ ވިޔަފާރިފަދަ ވިޔަފާރި ކުރުމުގެ ހުއްދަ ލިބިފައިވާ ފަރާތްތަކަށްކަމަށެވެ.
ކުންފުނި، ޕާޓްނަރޝިޕް، ލޯކަލް އިންވެސްޓްމަންޓު، ފަރުދީ ވިޔަފާރި ފަދަ ތަނަކުން މައުލޫމާތު ސާފުކުރުމަށް ނުވަތަ އަންދާސީ ހިސާބު ހުށައެޅުމަށް ބަދަލުގައި މީހަކު ފޮނުވާނަމަ އެކަން އެނގޭނެ އެތަނެއްގެ ރަސްމީ ސިޓީއަކާއި އެތަނެއްގެ ރަޖިސްޓަރީގެ ކޮޕީއެއް ގެންނަން ޖެހެއެވެ. ބިޑްގައި ރަޖިސްޓްރީ ނުވާ ފަރާތްތަކުގެ ހުށައެޅުން ބަލައެއް ނުގަނެވޭނެކަމަށްވެސް އިހަވަންދޫ ކައުންސިލް އިދާރާއިން ބުނެއެވެ.