ސައުދީ ކަނޑުގެ ސަރަހައްދުން ގަވާއިދާ ހިލާފަށް މަސްވެރިކަން ކުރަމުން ދިޔަ ބަޔަކު އަތުލައިގަނެފިއެވެ.
ޙަބަރުތައް ބުނާގޮތުގައި ސައުދީ އަރަބިއްޔާގެ ކަނޑުގެ ސަރަހައްދުން މަސްވެރިކަން ކުރަމުން ދަނިކޮށް އަތުލައިގަނެފައިވަނީ މިސްރުގެ މަސްވެރިންތަކެކެވެ. އެގޮތުން ސައުދީގެ ކަމާއިގުޅޭ ވުޒާރާއިންވަނީ 2 މަސްބޯޓެއް އަތުލައިގަނެފައެވެ.
މި ބޯޓުތަކުން 70 މަސްވެރިންވަނީ ހައްޔަރުކޮށްފައެވެ. ޙަބަރުތައް ބުނާގޮތުގައި އެމީހުން ހައްޔަރުކޮށްފައިވަނީ މިދިޔަ ހަފްތާގެތެރޭގައެވެ. އެމީހުން ހައްޔަރުކޮށްފައިވަނީ ހުއްދަ ނުނަގާ ސައުދި އަރަބިއްޔާގެ ކަނޑުގެ ސަރަހައްދުން މަސްވެރިކަން ކުރަމުންދިޔުމުންނެވެ.
މައުލޫމާތު ލިބިފައިވާގޮތުގައި އެމީހުން މަސްވެރިކަން ކުރަމުން ދިޔައީ ރެޑް ސީގައެވެ.
މިސްރުގެ މަސްވެރިންތަކެއް ހައްޔަރުކުރުމާއި ގުޅިގެން އެޤައުމުން ދަނީ އެމީހުންނާއި ގުޅޭ މައުލޫމާތުތައް ހޯދުމަށް މަސައްކަތް ކުރަމުންނެވެ.
