މަސްކައްކާ ހިއްކުމާއި ލޮނުމަހުގެ މަސައްކަތް ކުރުމަށް ތ.ގުރައިދޫއިން ބިމެއް ކުއްޔަށް ދޫކުރުމަށް ނިންމައިފިއެވެ.
ގުރައިދޫ ކައުންސިލުން ބުނީ، މަސްކައްކާ ހިއްކުމާއި ލޮނުމަހުގެ މަސައްކަތް ކުރުމަށް އަކަފޫޓަކަށް -/15 (ފަނަރަ) ލާރިއަށް ވުރެ ކުޑަނުވާގޮތަށް ކުއްޔަށް ދޫކުރަން ބޭނުންވާތީ، ބީލަން ހުށަހެޅުމުގެ ފުރުޞަތު މިކަމަށް ޝަރުތު ހަމަވާ ފަރާތްތަކަށް ހުޅުވާލާ ކަމަށެވެ.
ބީލަންވެރިންނަށް މަޢުލޫމާތު ދިނުން އޮންނާނީ 01 އޯގަސްޓް 2023 ވަނަ ދުވަހުގެ 10:15 ގައި ކައުންސިލް އިދާރާގެ މީޓިންގ ރޫމްގައެވެ. މަޢުލޫމާތު ދިނުމުގެ ސެޝަނުގައި ބީލަމާއި ގުޅިގެން ސަމާލުކަން ދޭންވީ ކަންކަން ހިއްސާ ކުރުމާއި ބީލަންވެރިންގެ ސުވާލުތަކަށް ޖަވާބު ދިނުން އޮންނާނެއެވެ.
ބީލަން ހުޅުވުން އޮންނާނީ 13 އޯގަސްޓް 2023 ވަނަ ދުވަހުގެ 10:15 ގައި ކައުންސިލް އިދާރާގެ މީޓިން ރޫމްގައެވެ. ބީލަން ހުށަހެޅުމަށް ގަޑިޖެހުމަށްފަހު ހުށަހަޅާ ބީލަންތައް ބަލައިނުގަނެ ވޭނެއެވެ. ބީލަންތައް ހުންނަންވާނީ ސިޓީއުރައެއްގައި ބަންދުކުރެވިފައިކަމަށްވެސް ކައުންސިލް އިދާރާއިން ވިދާޅުވެއެވެ.