އެމެރިކާގެ ކެލިފޯނީގެ ކަނޑުގެ އައްސޭރީގައި ފީނަން އުޅުނު މީހަކަށް ތަފާތު ވީޑިއޯއެއް ނެގިއްޖެއެވެ.
އޭނާއަށް ނެގިފައިވަނީ އޯރްކޯއެއް ނުވަތަ ކިލާ ވޭލްއެއް ފެހުރިއްސެއްގެ މޭގަނޑު ކާލާ ވީޑިއޯއެވެ. މި ވީޑިއޯ ނަގާފައިވަނީ ޖޭމްސް މޮސްކީޓޯ ނަމަކަށް ކިޔާ މީހެކެވެ.
އޭނާ ފީނަން އުޅުނު ހިސާބުންވަނީ އަށް ކިލާ ވޭލް ފެނިފައެވެ. ވީޑިއޯއިން ފެންނަނީ 30 ފޫޓުގެ ބޮޑު ފެހުރިއްސެއްގެ ބަނޑު ކިލާ ވޭލްއެއް އަނގަޖަހައިގެން ކާ ތަނެވެ. އަދި އޭގެ މޭ ގަނޑުވެސް ދަމައިގަނެގެން ކާލައެވެ.
ފެހުރިހި ގައިން ކިލާ ވޭލް ދޫކޮށްލާއިރު އޭތި އޮންނަނީ މަރުވެފައެވެ. ވީޑިއޯއިން ގެންނަ ގޮތުގައި ފެހުރިހި މޫދު އަޑިއަށް ދެއެވެ.
މިފަދަ މަންޒަރެއް ވީޑިއޯ ކުރެވުމަކީ މަދުން ނޫނީ ނުވާނެ ކަމެކެވެ. އެހެން ނަމަވެސް ކިލާ ވޭލްތައް ފެހުރިހަ ފަދަ އެހެން ބޮޑެތި މަސްތަކަށް ޝިކާރަކުރުމަކީ އާއްމުކަމެކެވެ.
