މަސްވެރިން ބާނާ މަސް ރަށަށް ކިރޭނެ ގޮތް ހަދާ ރައްކާކުރެވޭނެ ފެސިލިޓީއެއް ހައްދަވާދެއްވާނެކަމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވިދާޅުވެއްޖެއެވެ.
“އުފާވެރި އަމާން ރާއްޖެ" ކެމްޕޭނަށް ގއ. ގެމަނަފުއްޓަށް ވަޑައިގެން، ރައްޔިތުންނާއެކު ބޭއްވެވި ރޭގަނޑުގެ ފަރިއްކޮޅެއްގައި ވާހަކަފުޅުދައްކަވަމުން ރައީސް ވިދާޅުވީ، މަސްވެރިކަމުގެ ސިނާއަތް ފުޅާކުރަންވީ ވަރަށް ކުރެވިފައިނުވާ ކަމަށެވެ. މިއީ ވޭތުވެދިޔަ ސަރުކާރުންތަކުން އެކަމަށް މަސައްކަތްކޮށްފައިނުވާތީ ކަމަށެވެ.
އަމާޒަކީ މަސްވެރިކަމުގެ ސިނާއަތަށް މިހާރަށްބޮޑަށް އިންވެސްޓުކުރުން ކަމަށް ރައީސްވަނީ ވިދާޅުވެފައެވެ. އަދި މިހާރު ރާއްޖޭގެ އެކި ހިސާބުތަކުގައި ކުރިއަށްދާ މަޝްރޫޢުތަކުގެ ތަފްސީލްތައްވަނީ ރައީސްވަނީ ހިއްސާކުރައްވާފައެވެ.
އަދި މަސްވެރިން ބާނާ މަސް ގަތުމަށް ގެނަމަފުށީގައިވެސް މަސް ގަނެ ރައްކާކުރާނެ ފެސިލިޓީއެއް އަޅާދޭނެ ކަމަށް ރައީސްވަނީ ވިދާޅުވެފައެވެ.
ރައީސް ވިދާޅުވީ މަހަށް ރަނގަޅު އަގެއް ހޯދައިދިނުމަށް ސަރުކާރުން ގިނަ މަސައްކަތްތަކެއް ކުރަމުންދާ ކަމަށެވެ. އަދި އެ މަސައްކަތްތަކުގެ ފޮނި ނަތީޖާ ވަރަށް އަވަހަށް ފެންނަން ފަށާނެކަމަށް ރައީސް ވިދާޅުވިއެވެ.