ކުޅުދުއްފުށީ ސިޓީގެ މަސްމާރުކޭޓްގައި މަސްކެނޑުމުގެ 03 ޖާގައަށް ކުރިމަތިލުމުގެ ފުރުޞަތު ހުޅުވާލައިފިއެވެ.
ކުޅުދުއްފުށީ ސިޓީ ކައުންސިލުން ބުނީ މަސްމާރުކޭޓުގެ 03 ޖާގައިގައި ރަޖިސްޓްރީ ވެގެން މަސްކެނޑުމުގެ ޚިދުމަތް ދިނުމުގެ ފުރުޞަތު ހުޅުވާލާކަމަށެވެ. އެގޮތުން އިޢުލާން ކުރެވޭ 03 ޖާގައަކީ އުތުރު އަށިން ޖާގަ ނަންބަރ 1،2 އަދި 3 އެވެ. މިކަމަށް ޝައުގުވެރިވާ ފަރާތްތަކުން 05 ސެޕްޓެމްބަރ 2023 ވާ އަންގާރަ ދުވަހުގެ 14:00 ގެ ކުރިން "ކުޅުދުއްފުށި މަސްމާރުކޭޓުގައި މަސްކެނޑުމުގެ ޚިދުމަތް ދިނުމަށް އެދި ހުށަހަޅާ ފޯމް" އެއިދާރާއަށް ހުށަހެޅަން ޖެހެއެވެ.
މިކަމަށް އެދޭ ފޯމް ރަސްމީ ގަޑީގައި އެއިދާރާގެ ކައުންޓަރުން ލިބެން ހުންނާނެއެވެ. އަދި އެއިދާރާގެ ވެބްސައިޓުން ފޯމް ޑައުންލޯޑް ކުރެވެން ހުންނާނެއެވެ. މިޖާގަތައް ދޫކުރުމަށް ހަމަޖެހިފައިވަނީ ފޯމް ހުށަހަޅާ ފަރާތްތަކުގެ އަދަދު 03 (ތިނެއް) ވުރެން އިތުރުވެއްޖެނަމަ ފޯމް ހުށަހަޅުއްވާފައިވާ ފަރާތްތަކުގެ މެދުގައި ޤުރުއަތު ލައިގެންނެވެ.
މިއިޢުލާނާއި ގުޅިގެން ކުރިމަތިލާ ފަރާތްތަކުގެ އެއްބަސްވުމުގެ މުއްދަތު ހަމަވުމުގެ ކުރިން އައު މަސްމާރުކޭޓަށް މަސްކެނޑުން ބަދަލުވާނަމަ އިޢުލާންކުރުމަކާ ނުލައި މިފަރާތްތަކަށް އައު މަސްމާރުކޭޓަށް ބަދަލުކުރެވޭނެކަމަށް ކައުންސިލް އިދާރާއިން ހާމަކުރެއެވެ.
މަސްކަނޑާ އަށިތައް ދޫކުރުމާ ގުޅޭ އިތުރު މައުލޫމާތު އެއިދާރާގެ ވެބްސައިޓްގައި ޝާއިރު ކުރެވިފައިވާ "ކުޅުދުއްފުށީ މަސްމާރުކޭޓުގައި މަސްކެނޑުމުގެ ޚިދުމަތްދޭ ފަރާތްތަކާއި ވިޔަފާރި އުޞޫލުން މަސް ގަނެވިއްކާ ފަރާތްތަކުން ޢަމަލުކުރާ އުޞޫލު" އިން ލިބެން ހުންނާނެއެވެ.
