ދެވަނަ ދައުރެއް ލިބިވަޑައިގެންފިނަމަ މަސްވެރިން ބާނާ ހުރިހާ މަހެއް ކިރޭނެ އިންތިޒާމު ހަމަޖެއްސަވާނެ ކަމަށް ރައީސް އިބްރާހީމް މުހައްމަދު ސޯލިހް ވިދާޅުވެއްޖެއެވެ.
ޅ. ނައިފަރުގައި ބޭއްވި ކެމްޕޭން ޖަލްސާގައި ރައީސް ވިދާޅުވީ މަސްވެރިކަމުގެ ދާއިރާ ތަރައްގީކުރަނީ ކަމަށް ބުނެ ނިމިދިޔަ ސަރުކާރުތަކުގައި ދައްކާފައި ހުރި ހުސް ވާހަކަތަކެއް ކަމަށެވެ. ނަމަވެސް މިސަރުކާރުން މަސްވެރިކަމުގެ ދާއިރާ ތަރައްގީކުރުމަށް ކުރަމުންދާ މަސައްކަތްތަކުގެ ނަތީޖާ އަންނަ އަހަރު ނިމުމުގެ ކުރިން ފެންނާނެ ކަމަށެވެ. އަދި އެ ދާއިރާ އިން ބޮޑު ބަދަލެއް ފެންނާނެ ކަމަށްވެސް ރައީސް ވިދާޅުވިއެވެ.
ނައިފަރު ކައިރީގައި އޮތް ފެލިވަރަށް އިޝާރާތް ކުރައްވާ ރައީސް ވިދާޅުވީ އެމަނިކުފާނު ވެރިކަމާ ހަވާލުވެވަޑައިގެންނެވިއިރު މަސްވެރިން ބާނާ މަސް ކިރަން ހާއްސަ ކޮށްފައިވާ އެ ރަށުގެ ހާލަތު އޮތީ ވަރަށް ދެރަވަރުކޮށް ކަމަށެވެ. އަދި އެއީ މަސްވެރިކަން އޮންނަން ޖެހޭނެ ހާލަތް ނޫން ކަމަށްވެސް ރައީސްވަނީ ވިދާޅުވެފައެވެ.
ރައީސް ވިދާޅުވީ މަސްވެރިން ބާނާ މަސް ކިރަން ހުރި ބަނދަރުތަކާއި ފެކްޓަރީ ތަކުގެ ހާލަތު ރަނގަޅުކުރުމަށް ސަރުކާރުން ކުރަމުންދާ މަސައްކަތްތައް އަންނަ އަހަރު ނިމުމުން މަސްވެރިން ބާނާ ހުރިހާ މަހެއް ކިރޭނެ ކަމަށާއި އަދި ރަނގަޅު އަގު ލިބޭނެ ކަމަށ
