ދަ ޑިމޮކްރެޓްސްގެ ވެރިކަމެއްގައި މަސް ގަންނަ އެންމެ ދަށް އަގަކީ 25 ރުފިޔާއަށް ކަމަށް ކަނޑައަޅާނަން ކަމަށް އެޕާޓީގެ ރިޔާސީ ކެންޑިޑޭޓް އިލްޔާސް ލަބީބް ވިދާޅުވެއްޖެއެވެ.
ރޭ ސަންގު ޓީވީން ގެނެސްދިން ރިޔާސީ ބަހުސްގައި ވާހަކަ ދައްކަވަމުން އިލްޔާސް ވިދާޅުވީ ދިވެހި މަސްވެރިކަމުގެ ސިނާއަތް ފުޑާލާފައިވާ ކަމަށެވެ. މަސްވެރިކަމުގެ އިންޑަސްޓްރީ އެކީ ނެތި ގޮސްފި ކަމަށާއި، މީގެ ސަބަބަކީ މަހުގެ އަގު ވައްޓާލުމުން ކަމަށް އިލްޔާސް ވިދާޅުވިއެވެ.
" އަޅުގަނޑުމެން މި އަންނަނީ އަނެއްކާވެސް މަހުގެ އެންމެ ދަށް އަގަކީ 25 ރުފިޔާ ކަމުގައި ކަނޑައަޅަން، " އިލްޔާސް ވިދާޅުވިއެވެ.
އިލްޔާސް ވިދާޅުވީ ޒުވާނުންނަށް ފަހި ފުރުސަތުތަކެއް ފަހިކޮށްދޭނެ ކަމަށެވެ. އެގޮތުން ކެބިނެޓުގެވެސް 30 އިންސައްތަ ހިއްސާކުރާނީ ޒުވާނުން ކަމަށާއި، ޒުވާނުންނަށް ވިޔަފާރިތައް ފެށުމަށް ހިތްވަރުދިނުމަށް ގިނަ މަސައްކަތްތަކެއް ކުރާނެ ކަމަށެވެ.
އިލްޔާސް ވިދާޅުވީ ޑިމޮކްރެޓްސްގެ ވެރިކަމެއްގައި ޒުވާނުންނަށް ލޯން ލިބޭނެ ފަސޭހަ އިންތިޒާމްތަކެއްވެސް ހަމަޖައްސަވާނެ ކަމަށެވެ.
