ދުނިޔެ ހޫނުވުމާއި ގުޅިގެން މަސްމަހާ މެހީގެ ސައިޒަށް ބަދަލުތަކެއް އަންނަމުންދާ ކަމަށް ސައިންސްވެރިން ހާމަކޮށްފިއެވެ.
ސައިންސްވެރިންވަނީ ދުނިޔޭގެ އެކި ބާވަތްތަކުގެ ޖަނަވާރާއި ގަސްތަކުގެ މައުލޫމާތުތައް އެއްކޮށްފައެވެ، އެގޮތުން މި ބާވަތްތަކުގެ ސައިޒުތައްއ ކުޑަވަމުންދާއިރު، އެންމެ ބޮޑު ސައިޒު ކުޑަވަމުންދަނީ ކަނޑުގައި އުޅޭ މަސްތަކުގައިކަން ވަނީ ފާހަގަކުރެވިފައެވެ.
އެގޮތުން އެޓްލާންޓިކް ކަނޑުގައި އުޅޭ ތޯނީ ސްކޭޓު އާއްމުކޮށް މީޓަރަކަށް ބޮޑުވަމުން އައި ނަމަވެސް އޭގެ ސައިޒު މިހާރުވަނީ ކުޑަވެފައެވެ. އަދި ކުދިމަސްތަކުގެތެރޭގައި ހިމެނޭ މެކެރަލްގެ ސައިޒްވަނީ ބޮޑުވެފައެވެ.
މިއާއެކު މުޅި އިކޯ ސިސްޓަމަށްވެސް ދުނިޔެ ހޫނުވުމާއި ގުޅުގެން ބަދަލުތައް އަންނަމުންދާކަމަށް ސައިންސްވެރިންވަނީ ފާހަގަކޮށްފައެވެ.
ލޮނުގަނޑު ހޫނުވުމުގެ އިތުރަށް އިންސާނުން އެބާބަތްތަކުގެ މަސްތައް ބޭނުމުގެ ސަބަބުންވެސް މަހުގެ ސައިޒަށް ބަދަލުތައް އަންނަމުންދާކަމަށް ސައިންސްވެރިންގެ ދިރާސާއިން ވަނީ ހާމަވެފައެވެ.
ޖޯރނަލް ސައިންސްގައި ޝާއިޢުކޮށްފައިވާ ދިރާސާ ރިޕޯޓަކީ ބައިނަލްއަޤްވާމީ ސައިންސްވެރިންގެ ޓީމަކުން ކުރިއަށް ގެންދިޔަ ދިރާސާއެކެވެ. އެގޮތުން 17 ޔުނިވާސިޓީއަކުން ސައިންސްވެރިން މި ދިރާސާގައި ބައިވެރިވެފައިވާއިރު، 4292 ބާވަތްތަކުގެ ދިރުންތަކުގެ މައުލޫމާތުތައްވަނީ އެއްކޮށްފައެވެ.
