ހުޅުމާލެ ސައުތް ވެސްޓް ހާބަރ ތަރައްގީކުރުމުގެ މަޝްރޫއު ޖީޕީއެލް ހޯލްޑިންގްސް ޕަރައިވެޓް ލިމިޓެޑް އާއި ވަނީ ހަވާލުކޮށްފައެވެ. އެގޮތުން މި މަޝްރޫއުގެ ދަށުން ޑިންގީ ހާރބަރ، ކޮމާޝަލް ޑެވެލޮޕްމެންޓް އަދި ވެހިކިއުލަރ ހާބަރ ތަރައްގީކުރެވިގެންދާނެކަމަށް އެޗްޑީސީން މައުލޫމާތުދެއެވެ.
އެޗްޑީސީން ބުނީ މިވަގުތު މާލެ ސަރަހައްދުގައި ގާއިމްކުރެވިފައިވަނީ އެންމެ ޖެޓީ ހަބަރ އަކަށްވެފައި މި ހަބަރއަކީ އެކަށޭނެ ބޮޑުމިނެއްގެ ހަބަރއަކަށްނުވުމުން، މި މަޝްރޫއު މެދުވެރިކޮށް ޑިންގީ ގެންގުޅުއްވާ ފަރާތްތަކަށް ދިމާވާ ދަތިތަކަށް ފަސޭހަވެގެންދާނެކަމަށެވެ. އަދި ހުޅުމާލެގައި މިވަގުތު ކަމް ކާގޯ ވެސެލްއަށް ހާއްސަކޮށްގެން ހާބަރ އެއް ނެތުމުން، ދިމާވާ ދަތިތަކަށް ވެހިކިއުލަރ ހާބަރ ތަރައްގިކުރުމުން ހައްލު ލިބިގެންދާނެކަމަށްވެސް އެޗްޑީސީން ދެކެއެވެ.
އެޗްޑީސީން ބުނީ މި މަޝްރޫޢުގެ ދަށުން މި ސަރަހައްދުގައި ޕާރކިންގް ޒޯންއެއް ތަރައްގީ ކުރެވިގެންދާނެކަމަށެވެ. މީގެ ސަބަބުން މާލެ ސަރަހައްދުގައި އުޅަނދު ޕާރކް ކުރުމަށް ދިމާވެފައިވާ ގޮންޖެހުމަށް ކޮންމެވެސް ވަރެއްގެ ލުއެއް ލިބިގެންދާނެ ކަމަށާއި ކާރު، ސައިކަލް ގެ އިތުރުން ނުކުޅެދުންތެރިކަން ހުންނަ ފަރާތްތަކަށް ހާއްސަ ޕާރކިންގ ސްޕޭސް ގާއިމްކުރެވިގެންދާނެކަމަށެވެ. އަދި ކޮމާޝަލް ޑެވެލްޕްމެންޓަށް ތަފާތު ސްޕޭސެސްތައް ތަރައްގީ ކުރެވިގެންދާނެކަމަށްވެސް އެޗްޑީސީން ހާމަކުރެއެވެ.
