ރ. މަޑުއްވަރީ އައިސްޕްލާންޓް ހިންގުމުގައި ދިމާވާ ދަތިތައް ހައްލުކޮށް ވީހާވެސް ފަސޭހައިން އައިސް ލިބޭނެ އިންތިޒާމް ހަމަޖެއްސުމާއި ގުޅޭގޮތުން މަޝްވަރާކޮށްފިއެވެ.
މި މަޝްވަރާތައްކޮށްފައިވަނީ މަސްވެރިކަމާއި ބެހޭ ވަޒީރު އަޙްމަދު ޝިޔާމް، ރ. މަޑުއްވަރީ ކައުންސިލްގެ ބޭފުޅުންނާއި އެކު ބޭއްވި ބައްދަލުވުމުގައެވެ.
މަސްވެރިކަމާއި ބެހޭ ވުޒާރާގައި ބޭއްވި މި ބައްދަލުވުމުގައި ވަނީ އައިސްޕްލާންޓް ހިންގުމުގައި ދިމާވާ ދަތިތައް ހައްލުކޮށް ވީހާވެސް ފަސޭހައިން އައިސް ލިބޭނެ އިންތިޒާމް ހަމަޖެއްސުމާއި ގުޅޭގޮތުން މަޝްވަރާކޮށްފައެވެ.
މަޑުއްވަރީގައި ހުންނަނީ 25 ޓަނުގެ އައިސްޕްލާންޓެކެވެ. އެތަނުގެ މަސައްކަތް ނިންމާ ކައުންސިލާއި އެތަން ހަވާލުކޮށްފައިވަނީ 2021ވަނަ އަހަރުތެރޭގައެވެ.