ރ. އުނގޫފާރު ކައިރީގައި ފަރުމަސްވެރިކަމުގައި ހަރަކާތްތެރިވާ ޒުވާނުންނަށް ޚާއްސަ ވަދު ކަނދުފައްޗެއް ޤާއިމުކުރުމާއި ގުޅޭގޮތުން މަޝްރާކޮށްފައިވާކޮށްފިއެވެ.
މި މަޝްވަރާތައްކޮށްފައިވަނީ މަސްވެރިކަމާއި ބެހޭ ވަޒީރު އަޙްމަދު ޝިޔާމް، ރ. އުނގޫފާރު ކައުންސިލްގެ ބޭފުޅުންނާއި އެކު ބޭއްވި ބައްދަލުވުމުގައެވެ.
މަސްވެރިކަމާއި ބެހޭ ވުޒާރާގައި ބޭއްވި މި ބައްދަލުވުމުގައި ރ. އުނގޫފާރުގައި ފަރުމަސް ވެރިކަމުގައި ހަރަކާތްތެރިވާ ޒުވާނުންނަށް ޚާއްސަ ވަދު ކަނދުފައްޗެއް ޤާއިމު ކުރުމާއި ގުޅޭގޮތުން މަޝްވަރާކޮށްފައިވާކަމަށް މަސްވެރިކަމާއި ބެހޭ ވުޒާރާއިން މައުލޫމަތުދެއެވެ.
މި ސަރުކާރުން ދަނީ ހުރިހާ ބާވަތެއްގެ މަސްވެރިކަން ކުރާ ފަރާތްތަކަށްވެސް ދިމާވެފައިވާ ދަތިތަަކަށް ހައްލު ހޯދައިދިނުމަށް މަސައްކަތްކުރަމުންނެވެ. އެގޮތުން ފަރުމަސްވެރިންނަށް އަމާޒްކޮށްވެސް ސަރުކާރުންވަނީ ގިނަ މަސައްކަތަކެއް ކުރުމަށް ރާވާފައެވެ.
