އިންޑިއާގެ މަހާރަޝްތްރާގައި މަސްވެރިއަކަށް މިޔަރެއް ހަމަލާދީފިއެވެ. މި ހަމަލާގައި މިޔަރުވަނީ މަސްވެރިއާގެ ފައި ކާލާފައެވެ.
އެއްގަމާއި ކައިރި ހިސާބެއްގައި ހިނގި މި ހާދިސާއާއި ގުޅިގެން އެވަގުތު އެ ސަރަހައްދުގައި ތިބި މީހުންވަނީ ދާ ގަނޑަކުން މިޔަރު ހިފާ، އެއްގަމަށް ގެނެސް މަރާލާފައެވެ.
މަސްވެރިއާއަށް ހަމަލާދީފައިވަނީ 7 ފޫޓުގެ ބޮޑު ބުލް ޝާކެކެވެ. މި މިިޔަރުގެ ބަރުދަނުގައި 130 ކިލޯ ހުއްޓެވެ.
މި މިޔަރު މަރާލުމާއި ގުޅިގެން ބައެއް ފަރާތްތަކުން ވަނީ ކަންބޮޑުވުން ފާޅުކޮށްފައެވެ. އެގޮތުން ބުލް ޝާކަކީ އިންޓަރނޭޝަނަލް ޔޫނިއަން ފޮރ ދަ ކޮންސަވޭޝަން އޮފް ނޭޗަރއިން ހިމާޔަތްކޮށްފައިވާ މަހުގެ ބާވަތްތަކުގެ ލިސްޓުގައި ހިމެނޭ ބާވަތެއް ކަމަށާއި، މިއީ ދުނިޔެއިން ނެތި ހިނގައިދާނެކަމުގެ ބިރު ހީވެފައިވާ މިޔަރެއް ކަމަށްވެސް އެފަރާތްތަކުން ފާހަގަކުރެއެވެ.
