މިއަދުން ފެށިގެން މަސްވެރިންނަށް ފައިސާ ދޫކުރުމުގެ ޕްރޮސެސް ކުރިއަށް ދާނެ ކަމަށް މިފްކޯއިން ބުނެފިއެވެ.
މަސްވެރިން ކޫއްޑޫގައި ކުރަމުންދާ މުޒާހަރާއާ ގުޅިގެން މިފްކޯއިން ނެރުނު ނޫސްބަޔާނުގައި ބުނީ، މިފްކޯގެ ކޫއްޑޫ ފިޝަރީޒް ކޮމްޕްލެކްސް ގައި މިފްކޯގެ ސީއީއޯ އާއި މެނޭޖްމަންޓް ޓީމުން މަސްވެރިންނާ ބައްދަލުކޮށް އެ ބޭފުޅުންގެ އުދާސްތަކާއި ޝަކުވާތައް ވަރަށް ގާތުން އަޑުއަހާފައިވާ ކަމަށެވެ.
އަދި މަސްވެރިން ތަހައްމަލު ކުރަމުން ގެންދަވާ މޮޅިވެރިކަމަށް ނިމުން ގެނައުމަށް މިފްކޯގެ މެނޭޖްމަންޓުން އަބަދުވެސް މަސައްކަތް ކުރާނެ ކަމަށް މިފްކޯއިން ބުންޏެވެ.
"މި ބައްދަލުވުންތަކުގައި މަސްވެރިން ދެއްކެވި ރިވެތި ނަމޫނާ އާއި އެބޭފުޅުން ބެހެއްޓެވިގާތްކަން ނުހަނު އުފަލާއެކު ބަލައިގަންނަން. މަސް އޮޑިފަހަރަށް ދޭންޖެހޭ ފައިސާ ދޫކުރުމުގެ ހައްލު ހޯދައިދިނުމަށް ކަމާބެހޭ ވުޒާރާތަކާއި މަސްވެރިން ހިމެނޭގޮތަށް ގުޅިގެން، މިފްކޯގެ މެނޭޖްމަންޓް ޓީމުން މެދުކެނޑުމެއްނެތި މަސައްކަތް ކުރަމުން ގެންދާނެ" މިފްކޯގެ ބަޔާނުގައި ވެއެވެ.
މިފްކޯއިން ބުނީ، ކޫއްޑޫގައި ބޭއްވުނު ބައްދަލުވުންތަކުގައި ފާހަގަ ކުރެވިފައިވާ ފަދައިނ،ް މަސްވެރިންނަށް ފައިސާ ދޫކުރާނޭ ގޮތުގެ ތަފްސީލުތައް
ހިއްސާކޮށްފައިވާގޮތަށް މިއަދުން ފެށިގެން ފައިސާ ދޫކުރުމުގެ ޕްރޮސެސް ކުރިއަށް ދާ ކަމަށެވެ.
އަދި މިފްކޯއިން އަބަދުވެސް މަސައްކަތްކުރަމުން ގެންދަނީ މަސްވެރިންނަށް ދެވޭ ޚިދުމަތުގެ ފެންވަރު ރަނގަޅު ކުރުމަށާއި އަވަސް ޚިދުމަތް ފޯރުކޮށްދ،ީ މަސްވެރިންގެ ކަންބޮޑުވުންތައް ބަލައިގަނެ އެ ކުންފުނިން ދޭ ޚިދުމަތަކީ މަސްވެރިންނަށް ފަސޭހަ ޚިދުމަތަކަށް ހެދުމަށް ކަމަށްވެސް އެ ބަޔާނުގައި ބުންޏެވެ.
މަސްވެރިންގެ ފަރާތުން ފެނިގެންދާ ކެތްތެރިކަމާއި މިފްކޯއަށް ލިބިގެންދާ އެއްބާރުލުން ފާހަގަކޮށް އެ ކުންފުނިން ވަނީ މަސްވެރިންނަށް ޝުކުރު އަދާކޮށްފައެވެ.