ދާންދޫ ބޭރުގައި ކަނދުފައްޗެއް ގާއިމު ކޮށްފި

ގއ. ދާންދޫ ބޭރުގައި މަސް ކަނދުފައްޗެއް ގާއިމު ކޮށްފިއެވެ.

މި ކަނދުފަތީގެ ނަންބަރަކީ: O10D02 10

އިއްޔެ ގާއިމު ކުރި މި ކަނދުފަތި އަޅާފައި ވަނީ ދާންދޫގެ އިރުން 16 މޭލު ބޭރުގައެވެ.

ދޮށީ ކަނދުފަތި ނަންބަރު: O10D02
10 މެއި 2024ގައި ގއ. ދާންދޫގެ އިރުން 16 މޭލު ބޭރުގައި ދޮށީ ކަނދުފަތި ގާއިމުކޮށްފި. pic.twitter.com/7gp5qyRM9M

— Ministry of Fisheries and Ocean Resources (@MFORmv) May 10, 2024

ފިޝަރީޒް މިނިސްޓްރީއިން މިހާރު އަމަލުކުރަމުންދާ އުސޫލަކީ އެއްވެސް ސަރަހައްދެއްގައި ގާއިމު ކޮށްފައިވާ ކަނދުފައްޗެއް ކަނޑައިގެން ގޮސްފިނަމަ، އެކަމުގެ މައުލޫމާތު ކައުންސިލްތައް މެދުވެރިކޮށް ރަސްމީކޮށް އެންގުމުން ކަނދުފަތި ހަރުކުރުމަށް މަސައްކަތް ފެށުމެވެ. އެހެންކަމުން ކަނދުފަތި ކަނޑައިގެން ދިއުމުން އޭގެ މައުލޫމާތު ކައުންސިލްތަކާއި ހިއްސާކުރުމަށް ހުރިހާ މަސްވެރިން ސަމާލުވާން ޖެހެއެވެ. ކަނދުފައްޗެއް ކަނޑައިގެން ގޮސްފިނަމަ ލަސްނުކޮށް އެކަން ފިޝަރީޒް މިނިސްޓްރީއަން އެންގުމަށް އެ މިނިސްޓްރީން އިލްތިމާސްކުރެއެވެ.

ޤަވައިދާއި ޚިލާފަށް ކަނދުފަތިތައް ހުންނަ ސަރަޙައްދުތަކުގައި މަސްވެރިކަންކުރުމަކީ މަނާކަމެކެވެ.

އެގޮތުންއެއްވެސް ކަނދުފައްޗަކާއި 3 މޭލު ކައިރީގައި ދިރޭ އެންޖަހައި، އަޑިއަށް ފެއްތުމާއި، މިޔަރު ނެގުމާއި، ލޭނު އެޅުމާއި، އެމުގެ ގޮތުގައި ތާވަޅަ ބޭނުންކުރުމަކީ ޤާނޫނީގޮތުން މަނާކަމެކެވެ. އަދި ކަނދުފަތީގެ ބޮލަށް ވާ އައްސައި، އޭގައި ދޯނިފަހަރު އަޅައިގެން ތިބުންފަދަ، އޮއިވާލި ކަނދުފަތީގެ މަސްވެރިކަމަށް ގެއްލުންވާ އެއްވެސް ޢަމަލެއް ކުރުމަކީވެސް މަނާކަމެއްކަމަށެވެ.