ފަރުމަހުގެ މަސްވެރިކަމުގައި ތަފާތު ގިނަ ބާވަތްތަކުގެ އާލާތްތައް ބޭނުން ކުރެއެވެ. މި އާލާތްތައް މަސްވެރިކަމުގައި އަމާޒުކުރާ ބާވަތްތަކާ ގުޅިގެން ތަފާތުވެއެވެ.
މިގޮތުން، މި މަސްވެރިކަމުގައި އާއްމުކޮށް ބޭނުންކުރާ އާލާތްތައް ތިރީގައި ބަޔާންކޮށްލާނަމެވެ.
- އަތު ނަނު / އޮއިނަނު : ކަންވާރެއްގައި ބުޅިއަކާއެކު އެމެއް ލައި، ބަރި އަކާއިނުލާ ދޫކުރާ ނަނު
- ފައްތާ ނަނު : ކަންވާރެއްގައި ބުޅިއެއްލާފައި، އެމެއް ލައި، ބަރިއަކާއެކު ދޫކުރާ ނަނު
- ބޮއި ނަނު : ކަންވާރެއްގައި ބުޅިއެއްލާފައި، އެމެއް ލައި، ބަރިއަކާއެކު ފައްތާ ނަނެއް. މި ނަނުގެ ފެނުންމަތީ ހުންނަ ކޮޅުގައި ބޮއެއް ހަރުކޮށްފައި ހުރޭ. މި އާލާތް ބޭނުންކުރާއިރު މީގެ ގިނަ ނަނު ތަކެއް އެއްފަހަރާ އޮޔަށް ދޫކުރޭ
- ވަދު ނަނު : ކަންވާރެއްގައި ވަދާއެކު ބުޅިއެއްލައި، ދޯނީގެ ދެ އަރިމަތިން ދޫކޮށްފައި ހުންނަ ނަނު. މި ނަނު ދޫކުރަނީ ދޯނި ދުއްވަމުންދާ ވަގުތު. ބައެއް ފަހަރު މި ނަނު ދޫކުރުމުގައި ކަނދު ބޭނުން ކުރެއެވެ.
