އަންހެނުންތަކެއް ދަޅަ ދައްކައިގެން ފިިރިހެނުން ހިޔާ ފްލެޓަށް ވައްދައި ރަަހީނުކޮށް، ފޭރޭ މައްސަލައެއް ފެންމަތިވެއްޖެއެވެ.
ހިޔާ ފްލެޓްގެ ވައިބާ ގްރޫޕެއްގައި ޖަހާފައިވާ ޕޯސްޓެއްްގައި ބުނެފައި ވަނީ ހިޔާގެ ބައެއް ޓަވަރުތަކުގައި ދިރިއުޅެމުންދާ އަންހެނުންގެ ފަރާތުން ފިރިހެން ކިޑްނެޕް ކުރަމުންދާ ކަމުގެ މައުލޫމާތު ލިބެމުން އަންނަ ކަމަށާއި އެހެންކަމުން އެއްވެސް އަންހެނަކު ބުނެގެން އެ މީހުންގެ އެޕާޓްމަންޓަަށް ނުދިއުމަށް އެދޭ ކަމަށެވެ. އަދި ކުޑަކުދިން އިތުރަށް ސަމާލުވުމަށް ވަނީ ނަސޭހަތްތެރިވެފައި ވެއެވެ.
މި މައްސަލައިގައި ފުލުހުންގެ މީޑިއާ އޮފިޝަލަކު ވިދާޅުވީ، އެކި ވާހަކަ ދައްކައިގެން ހައްދައިގެން ހުޅުމާލެ ފޭސް ދޭއްގެ ޓަވަރެއްގެ އެޕާޓްމެންޓްއަކަށް މީހުން ގެންގޮސް ފޭރޭ މައްސަލައެއް ރިޕޯޓްކޮށްފައިވާ ކަމަށެވެ.
ފުލުހުން އަންނަނީ މި މައްސަލަ އިތުރަށް ތަހުގީގުކުރަމުންނެވެ.
